الكويتياااااااااااااااات ... محتاجه لكم

وييييييييييييييييين الكويتيات ما في بالمنتدى كويتيه وحده.... مو معقوله

هلا حبيبتي ..

انا بقولج طريقتي ..

البس قبعه قطن من داخل.. اللي تربطينها بالشعر يعني اتصير مثل شكل الباند يعني الرقبه مكشوفه اتكون بس اتغطينها باللفه..

الطريقه :

اتحطين اللفه على راسج وتسحبين طرفها لما يتكون عندج طرف اقصير وطرف طويل (الطرف اللي راح اتلفينه على الراس) ـ وانتي وحسبتج.. المهم اتحطين الطرف القصير اتقبتينه بيدج واتلفين عليه الطرف الطويل واتلفينه على الراس بس مره وحده واتخلين باقي اللفه طايحه بس مو تنزل وايد تحت الكتف عشان مايكون منظرها طويل وايد وماله داعي .. انا عن نفسي مااحط دبابيس.. بس وحده من صديقاتي اتحط دبوس ما يبين تاخذ على لون اللفه .. يكون بوز الدبوس متوسط الطول وتغرسينه في اللفه والقبعه اللي انتي لابستها ويبقى الطرف البلاستك الملون اللي ما يبين لصغر حجمه اللي يزين طرف الدبوس الاعلى .. بس الشطاره اهنيه انج ما اتخلين الدبوس يبين .. وانج تشترين دبوس كل الالوان .. نفس لون اللفه .. لانه مو حلو شكل الدبوس واضح .. لان الجمال في اللفه نفسها ..

هلا عيوني ..
مشكوره على ردك ..
بس عندي سؤالين هلا الباندا ‘لي تحت تخلونها واضحه ؟؟
ثانيا وش قماش الطرح قطن ولا حرير ولا كريب و...؟؟؟

نوعية الباند عندنا اتغطي الشعر وفيها مثل الربطتين نربطها تحت ذيل الحصان يعني انلفها تحت الشعر وعشان جذيه اتكون ثابته..

نوعية الخام احنا انفضل الجرجيس.. للاسود خصوصا اللي في أطرفه ستراس..

أغلب الكويتيات يشترون من دبي والسعوديه .. بالسعوديه لما انروح العمره انروح مركز مكه نشتري ملافع.. وبالكويت فيه محل اسمه الملفع موجود في مجمع المثنى بالسرداب .. ملافعه ولفاته حلوه ..