الكويتيات الحلوات واللي راحو الكويت يدخلون اذاممكن....

اتفضلى حبيبتى واذا بقدر اساعدك ما بتأخر ان شاء الله

انا ابي اعرف وين محلات الملابس الحلوه والغريبه (مو زارا ومانغو)

وابي اعرف محلات جلابيات حلوه

وحجابات ولبس حجاب
ووين القى رهش زين؟

وايش احسن صالون لقص الشعر؟
:39:

وشكررررررررررررررررررررا

يا هلا حبيبتي :

تامرين أمر ..

أشياء غريبه وحلوه ؟

تلقين أشياء حلوه وغريبه في محل نسيت اسمه بس بالمهلب الطابق العلوي اهوا محل اييب بضاعته من الهند فكله شيفونات و ستراس.. وأكسسوارات ودراريع حلوه ..

فيلا مودا بالشويخ..

سنترال بلازا السالميه المحل اللي تحت سوري مااتذكر اسامي بس اهوا بالسرداب اييب موديلات غريبه وماتلقينها في اي محل .. وموقعه بجانب محل للمقاسات الكبيره اسمه( أولا بابكن)

المارينا مول تلقين فيه جم محل حلو..

استغلي وجود معارض لمصممات كويتيات اثناء تواجدج بالكويت وسألي (بيت لوذان) اذا عندهم معارض في وجودج.. اخذي رقمهم من البداله..

بيت كاريزما..

مجمع الصالحيه..

مجمع زهره ..

جاليريا 2000

روحي ريفير أيلاند و أويسيس في سوق شرق

حجابات ولفات :

روحي محل فولار في الفنار (حجابات ولفات ماركه)

اذا تبين لفات مو ماركه روحي : نوران في سوق شرق او المهلب عندهم شغلات حلوه .. اذا تبين لفات رخيصه روحي سوق السالميه الجديد وتلقين المحلات على قفا من يشيل و أسعار حلوه .. بس لازم تفحصين ابدقه لانه كل شي سايح على بعضه ..نتيجة البحث راح اتكون حلوه وسعرها احلى ..
والرهش الزين ما يحتاي : من " الوطن" مشهور بالدرابيل ايضا ..

محلات دراريع او جلابيات :

مجمع النقره الشمالي والجنوبي
مجمع الاوقاف

أحسن صالون قص شعر :

صالون المقص : صاحبته فرنسيه كارول .. قصتها دقيقه واتقصلج الموديل اللي تبين..

عندج صالون لامود في منطقة اليرموك..عند راضيه

عندج صارون لاروج في السالميه عند وحده اسمها ناديه ..

اتمنى اكون افدتكم

ادعوللي الله ينولني اللي في بالي ويسعدني ويهنيني وياه ويفرح امي فيه