الردود وان كانت تختفي خلف معرفات الا انها تعكس اخلاق ونفسيات اصحابها....

صاحبة الموضوع سالت اي افضل الأمارات او الكويت؟؟كل وحده من حقها تقول رايها

بس مو من حق اي وحده تحقر من اي دوله على حساب اخرى..لأن لكل بلد جمالها وطبيعتها ومميزاتها..

اللي يقولون مافي مجال للمقارنه انه متأكده انهم نوعين اما ما زاروا الكويت ولا طلعوا برا المملكه اصلا..

او من النوعيه اللي تضمر حقد شخصي للكويت واي طاري عن الكويت ويا كثر هالنوعيات بهالمنتدى..

أؤمن بإختلاف الأذواق..واؤمن بأن دبي مدينه جميله...لكن ان تكتب وحده في ردها الكويت ما فيها شي!!!

لأ طبعا ما اصدقها الصح ان الكويت بلد جميله رائعه منظمه نظيفه ما ينقصها اي شي..ووفيها مقومات تتفوق فيها على اي بلد خليجي آخر..

مع احترامي للشرقيه الي قارنوا الكويت فيها
الكويت احلى منها بكثير...

الكويت لو مافيها شي ما شفنا الخليجيين وخاصه السعوديين بكل نهاية اسبوع وكل اجازه بالكويت..حتى ان صرنا نعرف مواعيد اجازاتهم من لما نلاحظ تواجدهم بكل مكان بكثره ماشالله وطبعا حياهم الله باي وقت..

واللي تتكلم عن لبس بنات الكويت بالرد اللي فوقي..انا كويتيه واسال الله ان يقتص منك بحق كل بنت كويتيه رميتها بالتبرج والعري..

الحمدلله الحجابات والعبايات والنقابات منتشره بكثره في بلدنا..وحتى السفور محتشم لبسهم ولا يوصل مواصيل تفصخ الأجنبيات..

وعلى الأقل هذا لبسنا عن قناعه مو مغصوبين عليه داخل وخارج الكويت وباي مكان بالعالم ما يتغير داخل وخارج البلد !!!

ويكفينا فخرا ان احنا منارة الخليج وسبقنا الخليج كله بالإنفتاح والتطور والعلم والثقافه والسياسه والفن وكل شي ومع هذا ظلت الكويت الدوله لوحيده اللي ممنوع فيها الخمر وصالات القمار والديسكو والدعاره..

بإستثناء السعوديه طبعا..وندري لو نفتح مثل هذي الأمور بالبلد..بتزيد السياحه والمشاريع الأجنبيه عندنا مثل غيرنا..ومع هذا الشعب الكويتي المحافظ والحكومه ومجلس الأمه ظل ومازال يرفضها...

االحمدلله الكويت حلوه رائعه باهلها والناس اللي يحبونها ولا متعطله على راي احد..

عمار يا عروس الخليج

خواتي الاخت سألت عن افضل للسياحة مافي داعي للتجريح ببعض كل دولة بمافيها بلدنا فيها ايجابيات وسلبيات ولازم نعرضها ونعترف فيها
وبالاخير الاخت تسال للسياحه وكلن وذوقه