ام شهوري ...
تسلمين ي قلبي ...
وش اسمها ..
و ي ليت اذا تقدرين ترسلين الرقم ع الخاص ..
انا م اقدر ارسلك عشان مشاركاتي قليله .
تسلمين ام شهوري
وربي يوفقك ويجعله في موازين حسناتك ...
مشكوووووورة
تسلمين ام شهوري
وربي يوفقك ويجعله في موازين حسناتك ...
مشكوووووورة
ام شهوري ...
يعطيك العافيه والله مدري كيف اشكرك ...
الله يسعدك ي رب ...
وان شاء لك دعوااااات من خالص قلبي ....
يعطيك العافيه والله مدري كيف اشكرك ...
الله يسعدك ي رب ...
وان شاء لك دعوااااات من خالص قلبي ....
الصفحة الأخيرة
بسم الله الرحمن الرحيم
حبيت اطرح هالموضوع لاني يوم فكرت اني اسوي الكيراتين مالقيت اجابات شافيه بهذا الموضوع:eq-12::eq-12:
موضوعي راح اطرحه بكل امانه
كل ماواجهني من يوم سويت الكيراتين الى اليوم
بسم الله ابداء قريت عن الكيراتين كثير لين راودني حلم الشعر الناعم اللي اصحى من النوم وهو سايح:eq-41:::eq-68:
حلم كل فتاة اعجبتني كل فتاة اولاً حبيت اوضح لكم انا شعري مو خشن ناعم بس فيه نفشه تمرض القلب:eq-55::eq-37:
المهم بدأت ادور بهالمنتديات تقريباًجلست اكثر من سنه وانا ادور مالقيت المفيد بصراحه كانت وحده الله يجزاها الف خير كاتبه عنه بس يوم سوته يعني ماكتبت النتائج بعد فتره وهذا كان اهم شي بالنسبه لي
بالصدفه لقيت وحده من جمعاتنا مسويته صرااااحه كان شعرها جمييييييل جداًجداً:eq-68:
يعني انا اعرف البنت شعرها موناعم صاااار ناعم وطايح على وجهها تخيلوا بس ياخساره كانت مسويته بجدة وهنا اتحطمت لان انا بالرياض ولا اقدر اروح لجده
المهم اني تحمست اسويه وهي كان لها 8شهور من سوته والنتائج مبهره ولا كان له اي ضرر على شعرها ماشاءالله الله لايضرها
وكملت بحثي لكن كانت المعلومات بالنت جداً قليله وغير مفيده واغلبها دعائيه واحترت اكثر وانا لازلت مصره ان شعري يصير سايح ويطير وش اسوي ابي انبسط يااااناس اللي مثلي بيحسون بي:eq-67::eq-67:المهم اني استقريت على منال نجد وشيفون وكان كل مشغل له سمعته
الا اقابل وحده اعرفها مهتمه بنفسها ماشاءالله واسألها عن رأيها بالكيراتين الا وتهب فيني تحذرني اني اسويه تقول نصيحه لاتسوينه والله انه عدام للشعر وانها سوته بمنال نجد وخرب شعرها وطلع اخشن من اول هنا انا انصدمت وقلت الحمدالله اني ماسويته
وظل الحلم يراودني ان شعري يصير ناعم:eq-67:
المهم بدأت اقنع نفسي بمشغل شيفون انه مشغل كبير له سمعته وانه مابيفرط بسمعته عشان كيراتين مغشوش
رحت مشغل شيفون سالت الحريم الموجودين هل احد قد سوى كلهم قالوا لا بس شغل المشغل حلو قلت مانختلف بس ابي احد سوى كيراتين قالوا لا
رحت عند الكوفيره سهير الظاهر اذا ماغلطت باسمها المهم الناس عندها زحمه ويقولون شاطره سالتها قالت انصحك تسوينه اكيد بتنصحني تبي فلوووس:eq-108::madi:
ترددت ورجعت البيت خفت اخسر شعري وجلست اشاور واشاور:eq-121:جلست يومين ورجعت عندها اللي ابي شعري سايح ابن ادم طماع مايحمد ربه
رحت قالت 1800قلت ليييييش شعري تحت كتوفي بسانتي قالت لا بعد محولات قالت 1700قلت توكلت على الله وبدت غسلت شعري بشامبو خاص بعده جففت شعري وحطت الماده تقريباً جلست ساعه بعدها قالت روحي سوي سشوار والماده علي ورحت سويت كانت ريحته خفيفه ريحت عسل بس تحرق شوي بالعين خلصت السشوار وسوت سيراميك لشعري ماطولت انقهرت قلت 1700على ذا قالت اغسليه بعد ثلاثة ايام لايجيه ماء ولايتكسر الشعر كل يوم سرمكيه كنت اسرمكه بعد كل وضوء جلست الايام الثلاثة بعدها غسلت طبعاً اغسله بشامبو وبلسم من عندهم شريته 400مع سيريوم للشعراول ماجا عليه الماء ثقل شعري كأن عليه صبه الصبه اللي هو الاسمنت تخيلوا انصدمت بس قلت مابتسرع على طول حطيت البلسم الا اشوااااااااا :waba3din:
ادري طفشتوا بس ابي اقولكم التفاصيل اللي عجزت القاها قبل بالنت
الشعر ناعم بس فيه جفاف شوي غسلته ونشفته من الماء وحطيت السيريوم ويوم نشف الا النتيجه واووووووو:eq-53: روعه الشعر ناعم ويطيح على وجهي :hamas:
المهم جلست شهرين على هالوضع طبعاًبما ان شعري مو خشن في تقول انها حطت لي المعالج فقالت مابيفرده 100٪راحت النفشه وخفت التكسرات اللي بالشعر بالنسبه لي النتيجه مرضيه نوعاً ما
نجي لبعد الشهرين:sadd:شعري صار يتساقط ولما اتروش يتشابك شعري من وسط راسي متخيلين المكان صعب جداً والله يابنات انه يتشابك واذا حاولت افكه مع البلسم تطيح خصل كامله من شعري شفتوا الشي مره فضيييع:moother:النفشه بدت ترجع شوي شوي هذا وانا مااستخدم الا الشامبوا حقهم تخيلو ثلاث مرات شريته 400من غير قيمة الفرد والله يابنات هذا اللي حصل معي بالضبط انا لي الان لي خمس شهور شعري للامانه ماخشن رجع مثل نعومته اول ورجعت سلبياته بس اشدتساقط فضيع تشابك فضيع لدرجة ماتقدرين تدخلين يديك فيه حتى وهو مسشور جربي بس تدخلين يدك بشعرك والله كأن عليه عصير يابس بشعرك التشابك الى الان مالقيت حل والله شعري بعد الترويش كأنك حاطه فيه علك بالقوه ينمشط ونصه يطيح بالمشط وقلبي يتقطع عليه:eq-67::eq-67: بس الشكوى لله لواحد يتعلم اش قال قال ابي افتك من السشوار والله كان حرقة السشوار احسن من هالمصيبه المهم:entebah:حبيت احذركم من الكيراتين وان الكوفيرات ماهمهم شعرك المهم الفلوس ياحبيبتي والله لاسمعت المشغل نفعتني ولا نصيحة الكوفيره فكرت اروح للمشغل لانهم يقولون صاحبة المشغل تخاف الله قلت بخليها تشوف شعري بعينها وتتصرف على الاقل تسحب هذي الماده تعبت من هالتشابك صار راسي يعورني لما احاول افكها بس حسبي الله عليهم ان كان غشوني ماعندي غير هالكلمه بس الوالده الله يحفظها رفضت قالت تسببين مشكله خلاص مابيفيدك شي الان انا اعالج شعري ابي التساقط يخف لان صلعت من الجوانب الله المستعان وهذي قصتي حبيتها اردها لكم كامله حتى تستفيدوا الله يوفق الجميع وسامحوني على الاطاله:hasha:مابغت تخلص
لاتغركم المشاغل وسمعتها نصيحة مني لكم
الى الان انا ماأدري اذا كان الكيراتين مغشوش او الكوفيره ماسوته بأمانه ماني عارفه وش الخطأ اللي خلا شعري كذا
لو ماشفت نتايج حلوه كان قلت الكيراتين كذبه بس شفت نتايج روعه لكن مالقيت بالرياض
سبحانك اللهم بحمدك اشهد ان لا اله الا انت استغفرك واتوب اليكtahya: