ماشاء الله ... لاقوة الابالله
أذكرووووووا الله
صباح ومساء الورد حبايبي
تتذكرون في موضوع المرقوق وقلت لكم أدعوا لولدي يرزقه
الذريه الصالحه؟؟؟
البارحه ربي رزقني بحفيده جديده وسميناها الريم ربي يجعلها قرة عين لوالديها وأحمد ربي واشكره
على سلامة زوجة ولدي وبهالمناسبه السعيده حبيت أنزل لكم
الكيكه اللي بتوقيعي اللي كان الكل يسأل عنها
المقادير والطريقه خذيتها من فود وورك (طريقة سارة مولتون)
مع بعض التغيرات
كوبين ونص طحين
كوب ونص سكر
كوب زيت
كوب لبن ماكان عندي لبن أستخدمت علبة روب
بيضتين
ملعقة شاي خل ابيض
ملعقتين شاي فانيليا
ملعقة شاي بيكربونات الصودا
رشة ملح
وقرشه كامله صبغه الطعام اللون الأحمر
ملعقة ونص كاكاو بودرة
ملعقة شاي بيكنج بودر
نسخن الفرن ونبتدي بعمل الكيكة
الطريقة
نخلط المقادير الجافه السكر والطحين والكاكاو والملح وبيكربونات الصودا
والبيكنغ بودر مع بعض
نخفق البيض ونضيف عليه الزيت والروب والصبغه ونضيف عليهم
المقادير السابقه اللي خلطناهم على بعض بتتكون عندنا عجينة حمراء
ندهن قالب الكيكه ونرشه بالطحين ونصب العجينه بالقالب وندخلها الفرن
لازم مانفتح الفرن قبل مرور نص ساعه عشان مايدخل فيها الهوا وتخفقوماننسى نغزها بالسكين نشوفها اذا أستوت
وهذي شكل الكيكة بعد ماطلعتها من الفرن
طريقه الكريمه جديده وطعمها خيال
شفتها بفتافيت لوحده مااتذكر اسمها
كوبين حليب سائل نخلطهم مع ملعقتين أكل طحين
ونرفعهم على النار لغاية ماتتماسك مثل الكستر ونتركه يبرد
نخفق كوب زبده بدرجة حراره الغرفه بالخلاط ونضيف عليها
كوب سكر ناعم وبعدها نضيف الحليب اللي سويناه بالطحين على الناربعد مايبرد ونخفقها على سرعه عاليه
بعد ماتنضج الكيكه نقسمها من الوسط ونحشيها من الكريمه
نحط القسم الثاني عليها ونغلفها بالكريمه ونزين الجوانب
بمبشور الكاكاو الأبيض وجوز الهند لوجه الكيكه
نصب عليها صوص الفراوله الهيرشي الجاهز
عوافي