اشحالكم؟؟؟ السموحة منكم خواتي وقفت دخول المنتدى والمشاركة بسبب الحمل والولادة ورجعت لكم الحين... انا ماخذه الطريقة من برنامج في فتافيت.. وطبقتها وعجبتني... وان شاء الله تعجبكم...
المقادير:::
المواد الجافة::
كوبين ونص طحين
كوب ونص سكر
م ص ملح
م ص بكربونات الصوديوم
م ص كاكاو
م ص بايكنج باودر
المواد السائله::
كوب ونص زيت
كوب حليب سائل
بيضتان
2 م ص ملون طعان احمر
م ص فانيليا
م ص خل
الطريقة::
تخلط المواد الجافة مع بعض مثل الصورة..
تخلط المواد السائله مع بعض مثل الصورة..
وهذه صورة للمواد الجافة مع السائله...
نضيف المواد الجافة للسائله وتخلط بالخلاط مثل...
تدهن الصينية بالزيت ويرش بالطحين ونحط فيها خلطة الكيكة وتدخل الفرن على نار متوسطة لغاية ما تستوي...
يتبع....
طريقة الايسنج::
225 غرام جبن كريمي (انا استخدم فيلادلفيا)
كوب زبدة بحرارة الغرفة
2 كوب سكر بودره
م ص فانيليا
تخلط بالخلاط وتكون جاهزة..
ملاحظة هذه نص الكمية بس تكفي للكيكة وزيادة وممكن تحطين الزيادة في الثلاجة وتستخدمينها اي وقت تبين.... طعمها حلو ودسم بس لذيذ... السكر تحسينه زيادة بس لما تحطينه بالثلاجة تخف شوي...
انا قصيت الكيكة من النص وحطيت طبقة ايسنج وبعدين زينت الكيكة وحطيت عليها كاكاو فليك... انتي ممكن تزينينها بالطريقة اللي تحبين...
لو لاحظتوا الكيكة عندي مب حمراء وايد لاني سويت المواد السائله اول مرة وبالغلط انصبت بالكامل فسويتها مرة ثانية بس تقريبا اللون الاحمر كان شويه فما طلعت حمراء وايد...
ان شاء الله تعجبكم الكيكة ويعجبكم تطبيقي لها... وحياكم الله...