اليوم الساعه 2 ونص الفجر قررت اني اسوي الكيكه الشيشانيه
حسيت انها بتاخذ وقت وبتعب فيها وكل يوم اقول بكرا
لحد ماحزمت امري :cook:
طبعا نفس مقادير اختي مدري مدري بس استخدمت كاس عادي وملعقه الأكل العاديه
سويت نفس الخطوات المطلوبه وعجنت العجينه بآخر كوب من الطحين
ومااحتاجت اي زيادات ثانيه
على طول سويتها مثل الأسطوانه وبديت اقطع منها وافرد بشكل دائري
نصيحه اختاري غطاء قدر يكون حاد شوي عشان تضغطي على البسكوت وتقطعيه على طول
لآن اللي لآحظته ان العجينه من تتحمر واطلعها على الطاوله بسسسسسرعه تنشف وتيبس يعني لآزم السرعه
نجي لحركة التحمير انا اكره شي اسمه فرن وتحمير وانتظري :eek: قلت يآامووول
لآزم نخترع طريقة سهله وعمليه عشان ماناخذ وقت بالتحمير
وشفت كم تطبيق يقولون صعب انطلع البسكوت من الصينيه واتكسر معنا وزي كذا
قمت وجبت الصاج حق الخبز فردت العجينه ولآزم تخليها رقيقه جدا عشان ماتطلع معجنه
شلتها بيدي وفردتها على الصاجه وهنا السر >>>>> حطيتها على الغاز يدوووب ثواني وهي متحمره
شيلي الصاج ودخليه الفرن ويكون شغال من فوق برضووو ثواني وهي متحمره من فوق
على طول شيليها وقصي
ابد مايمديني افرد وحده الآ الثانيه مستويه وخالصه
واللي عندها صاجين على طول بتخلص
انا خذت مني العمليه كلها من العجن لحد التحمير ساعه بالضبط وانا كنت خالصه ومغسله موآآعيني :angry:
طبعا الكريمه ماراح احطها الحين بكرا ان رحت لآهلي العصر بأضبطها وانزل لكم الصور النهائيه
والحمد لله خلصنا
وهذي الصور النهائيه للكيكه زي ماوعدتكم
انطباعاتنا وملآحظاتنا على الكيكه
الوالدة وعلى فكره ماتحب الحلى ومايعجبها اي شي يعني صعبة الأرضاء الله يحفظها
اول ماذاقتها قالت هاذا الحلى وبس روووعه والطعم خيالي
الوالد قال حلوه وشبهها بطعم جالكسي الفلوتات
خواتي واخواني كلهم عجبتهم ومابقى منها شي
وعلى فكره انا اضفت جوز هند محموس على الوجه خلى الطعم خيآآآلي
وبس هذي تجربتنا للكيكه الشيشانيه
ومشكوره مره ثانيه يامدري مدري
انتظروني بأطباق جديده وحصريه لعالم حواء فقط
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2048x1536 و بحجم 533KB.
.
هنا الصور وهي على الصاج تحمرت من تحت وعلى طول دخلتها الفرن
وهذي باقي الصور لآحظوا كيف خفيفه بالمره مثل ماقالت اختي مدري مدري عشان تتشرب الكريمه
وطلع معاي 13 قرص بالضبط
بانتظار آرائكم وتعليقاتكم الحلوووة
او أي شي يجي منكم حلووو
يعني ان شفنا ردود تحمس يمكن نتهور مره ثانيه ونحط تطبيقاتنا
تحياتي للكل اختكم امووول