صباحكم / مسائكم خير ورحمه من الله رب العالمين
شلونكم ياحلوات عساكم بخير
مشتاقتلكم حييييل وفاقدتكم عساكم ماتفقدون غالي
اليوم جايبه لكم من مطبخي
THE RED VELVET CAKE الكيكه المخملية الحمراء
الكيكه هذي ذقتها من زمان وحبيت ان اجربها وبحثت عن طريقتها بالنت ولقيت لها تطبيقات كثيره من مواقع اجنبيه وعربيه وانا حبيت اجربها بطريقتي الخاصه والحمد الله ضبطت وطلعت روعه
الكيكه فكرتها كيكه فيها نكهه كاكاو خفيفه وملونه بلون احمر
ومغطيه بكريمه جبن
المكونات مع الطريقه
خلطه كيك ابيض جاهز ضروري ابيض
ملعقه كاكاو بودره
ملون طعام احمر
نجهز الكيكه نفس الطريقه المكتوبه عليها
نضيف عليها ملعقه كاكاو
نخلط الملون الاحمر مع شويه حليب ونضيفه عالخلطه
انا استخدمت علبه كامله لون احمر
ونصب خلطه الكيك بصينيه فرن مدهونه بزيت وندخلها فرن حااار لمده 45 دقيقه
ونتركها بعد مااستوت تبرد
يتبع
لااحد يرد
والحين نسوي كريمه الجبن
12 حبه كيري بحراره الغرفه نخلطها بخلاط الكيك مع كوب حليب باااارد لين تذوب
بعدين نضيف 3 ظروف دريم ويب وملعقتين سكر بورده
ونخلطهم لين نحصل على كريمه كثيفه
وندخلها بالثلاجه تبرد
الحين التزيين
نقطع الكيكه ب(الكيك سلايزر ) الى شريحتين
ندهنها بكريمه الجبن ونغطيها فيها
ناخذ شويه من الكريمه ونضيف لها نقط من اللون الاحمر ونحطها بكيس نايلون للتزيين
ومن اطراف الصحن تخذت شويه فتات من الكيك
نزين الكيكه بالوسط بفتات الكيك الاحمر ونرسم عليها دوائر بالكريمه اللي لوناها وبخفه نحرك السكين عالخطوط لبرا ولداخل عشان نحصل على هالشكل
اتمنى فهمتوا مااعرف اشرح :huh:
وهنيه عند التقديم
اللون الاحمر خياااااالي
طبقوها وادعوا لي
وعليكم يألف عافيه
ودمتم بود حبايب قلبي
كــــــــــــفاره المجلس
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ