الكيكه الخشبيه

السلام عليكم

والله عاجبتني حلوياتكم يا بنات حواء :23:يعطيكم العافيه

اليوم أستحيت على وجهي وقلت خلني أشارك البنات بحلى أتمنى مايكون أنكتب قبل هالمره <<<لاتفشلوني حتى لو انكتب قولوا جديييييييييييييييييييد طيب

المهم هذي المقادير :
الخليط ::
2 بيضه
1 ك سكر
1ك زيت
1ك طحين
2 الى 3 ك حليب
فانيليا

مقادير متساويه من القرفه والسكر الناعم

توفي (1ك سكر وقطعة زبده صغيره تحمر على النار حتى يصير لونه ذهبي بعدين نحط عليه علبة قشطه بالتدريج مع التحريك السريع عشان ما يعقد التوفي )

عين الجمل مكسر( مو مطحون)

الطريقه :
نحط مقادير الخليط في الخلاط بعدين نصب منه مقدار مغرفة الشوربه في صينيه وندخلها في فرن حار ولما تنضج نشب عليها من فوق <<تراها ما تتحمر كثير زي عجينة البانكيك
نطلعها من الفرن ونرش عليها رشة قرفه وسكر ونرجع نصب طبقه ثانيه ونشب عليها من فوق بس ولما تطلع نرش القرفه والسكر ونستمر حتى تخلص الكميه بعدين نصب فوقها التوفي ونزين بعين الجمل
ممكن تقدمينها مربعات صغيره في ورق الحلى تعطى منظر أشيك

اذا حبيتي تكون الطبقات أرق زيدي الحليب في الخليط ......زي البانكيك بالضبط