"عسى ان تكرهوا شيئا وهو خيراً لكم"
"والله في عون العبد مادام العبد في عون اخيه"
تسكرت الأبواب في وجهي ..ومالي غيركم بعد الله..!
ولأنكم اخواتي في الله وادري انكم تحبون لي الخير ف حبيت احكي لكم موضوع حصل لي البارحه ولأجله سهرت حتى هذا الوقت المتأخر من حرقة قلبي..
"يــآرب مالي غيرك"
انا رح احكيلكم بالتفصيل..حتى تكونوا على علم..وحتى تنصفوني ايضاً..وترشدوني اين الخطأ اللذي وقعت فيه..~
رح اسرد لكم الأحدآث بالعامي...>>
انا سلمكم الله زي اي زوجة حبت تعمل مفاجأه لزوجها وتسعده
ف فكرت اعمل له كيكه وافاجأه فيها بوقت غير متوعد فيه اني اعمل له اي نوع طعآم ف مابالكم ب"كيكه" المهم شمرت عن ساعدي وتوجهت للمطبخ كي اعد الكيكة بعد ماطقيت الصدر و
قلت له: رح اعملك كيكه عمرك بحياتك ماأكلت غيرها>> ولن انسى حينها النظرات التي ارتسمت على عينيه الفاتنتين..
ونظر الى الساعه وقال:
كويس يعني يمديني اكل من كيكتك<<لأنه بالعاده الله يحفظه متعود ماتجي 12 الا وهو نايم..
وتوجهت الى المطبخ ..على اساس اعمل "كيكة بالتمر" بلمساتي طبعاً..!
وحاولت اجمع فيها جميع شروط الكيكة الناجحة الي ماقصروا اخواتي بعالم حواء وضحوها لنا بقسم الحلويات كذا مره..,
المهم..
ابتدأت بالبيض..اضفت بيضه واحده..وخفقتها مع شوي فانيليا لمده 5 دقائق حتى اصبح هش القوام..
بعدين اضفت فنجانين قهوه سكر واكملت الخفق<<بالآله الكهربائية!
لمدة خمس دقائق حتى انتفش السكر والبيض وصار مايل للون الابيض..
اضفت ايضاً نصف كوب زيت واكملت الخفق على سرعة متوسطه..
ثم اضفت قطع من التمر المنزوع النوى طبعا واكملت التحريك..ثم اضفت الدقيق بالتدريج "مقدار كوبين"
ثم الباكينج بودر..ثم 3 ملاعق حليب بودره..ثم 3 ملاعق جوز هند..ثم نص كوب لبن ..ثم كوب من الماء.~
<<طبعا انا قاعده اضيف المكونات والخلاط الكهربائي يشتغل على سرعه واحده متوسطه..بالتدريج كما ذكرت لكم..
لن انسى طبعا اني اضفت شوي قرفه مطحونة وشوي هيل حتى يعطي نكهة اكثر!
وبالنهايه صار عندي عجينة متماسكة ولذيذه
اضفتها الى صينية الخبز حتى ادخلها الفرن..
طبعا الفرن مشغلته من اول وكان على حراره متوسطة وتركتها تخبز بسلام..:cook:
بعد مرور نص ساعه و5 دقائق..:time:
توجهت الى المطبخ وليتني لم اتوجه:06:
طلعت لي كيكة بهالشكل..
بس قلت مو مهم الشكل المهم الطعم والاخلاق والنفس
وابتديت اقطعها بترتيب وحتى حطيتها بصحن ابيض وازرق لأن حبي من هلالي
وزينتها بالهريشي الي يحبه
وقدمتها له ساخنه زي مايفضلها..
وعمــــــــــــري ماانسى نظرات اللهفة والفخر بعيونه..
واول ماتذوق لقمه منها قعد يمضغها كثير
<<<مو عوايده..
وبعدين لفظها
وقال:
معلييييييييييييييييش اسمحيلي ذي ماتنأكل
انا هنا داااااااااااارت فيني الدنيا مو مصدقة..
وقعدت اقلب الصحن وقطعة الكيك بيدي ..
واحاول اجمل الموضوع وقلت:
شوف حوافها كيف مقرمشة ومحمرة ..انت تحب الحواف..
ومن باب المجامله اخذ الحواف واكلها..طبعا مجامله..وبدون نفس..!
وانا طبعا طول الوقت احاول اكتم العبره والاحراج..
ولأنه قاعد ياكل من غير نفس طاحت كذا قطعه ع الأرض,
وانا عشان اصرف قعدت اجمع الي يطيح من الأرض ..
في هالاثناء..قال كلام تمنيت الارض تنشق وتبلعني في لحظتها..
ماتتصورون وش قال!!
قال:
"لاتخافين حتى النمل مارح ياكلونها"
:mad:
<<شفتوا جزاء المعروف كيف..ها وانا مقطعه عمري عشانك يالله..احس نفسي مجروحة مرره..وصعب الي يداويني..
يارب بررررد على قلبي..
كيف تجرأ يقولي كذا!!!!!!
:06:
وبعدها طبعا حاولت اهرس الكيكة شوي عشان ااكلها بنتي حبيبتي لأنها تحب الحلا:04:
واول ماذوقتها اياها تفلتها بوجهي"وانتوا بكرامه"
وانا وخروا عني وقتها..!
يعني الاقيها من مين ولا مين..!!!
:icon33:
يارب مالي غيرك...~
بنت و زوج تخلوا عني وقت ضيقتي..
يارب مالي غيرك الجأ له..
طبعا حصل منه تعليقات وكلام ماله داعي اذكرها لأني احاول انسي نفسي وش قال..
بس اذكر منها:
"انتي لو تقدمتي لبرنامج طبخ..(لأني كنت على طول اقوله ابي اشارك ببرنامج طبخ من ذي الي تطلع بالقنوات)..المهم قال انتي لو تقدمتي بالطبخ مارح يطردونك من اول يوم..لااااا ..انتي بيحطونك بالسجن لأنك تجرأتي وتقدمتي لهم"..!
تخيلوااا يا حوائياااات...!
طبعا انا شليت قشي وغسلت حوستي بالمطبخ ونفيت الكيكة بالزباله وانتو بكرامه..
والله يغفر الذنب..
وكلي رغبه بالانتقام...
كيف انتقم..!
انا اقولكم..؟
اني اسوي كيكه اسكته فيها..
بس كيف..
وبأيش...!
هذا الي ابيه منكم...1
تكفوووون ..مالي غيركم بعد الله..لاتقولون روحي قسم الطبخ..
مع الأسف البنات هنا صحيح مايقصرون لكن مايذكرون لنا التفاصيل بالضبط..!
يعني كم مدة الخفق وكم خبزت وعلى اي ارتفاع من الفرن..ومن هالتفاصيل الي تهم المبتدئات امثااالي..×
الي ابيه منكم..<<
تواسوني
وتقولون وين الخطأ بالضبط..الي وقت فيه بالخبز!!!!!!!!!!؟؟
و
لو انتوا مكاني وش ردة فعلكم؟؟؟
و
اكتبولي تجاربكم مع طبخ الكيك~
و
تدعون ان ربي يهدي لي زوجي وينسييه الكيكه الي كان رح ينخرب بيتي بسببها..<<قاااادر ياكرم~
يالله اودعكم الله واقولكم اني رايحه اصلي الفجر ورح ادعي لكل وحده ردت علي وحتى لو اكتفت برفع الموضوع...
و
استودعتكم الله~
هذي مشكله ولى وصفة اكله؟؟؟؟؟
عموما الله يهدي النفووووووووووووووووس