طبعا اخت لنا طلبت الكيك هذ وحطيت لها الطريه بس والله شوقتني اسويها
كوب ونص طحين منخول مع 1 م ص مليانه بيكنج بودر وذرة ملح
كوب وربع سكر (انا صرت اخفف فحطيت كوب بس لانها حاليه من الكشمش)
3 بيضات مخفوقين مع ملعقة اكل عصير ليمون ونتفة فانيلا
كوب زبيب او كشمش(الوصفه الاصليه ينحط لها كوب فاكهه مجففه ملونه بس احس انها اصباغ من لونها فالكشمش افضل واصح)
3/4 كوب زبده لينه يعني قالب ونص شيلي منه شويه لدهن القالب
مبشور ليمونه او برتقاله انا استعملت برتقاله لان الليمون اللي عندي اخضر فما ينفع لازم ليمون اصفر
بالخلاط نخفق السكر وبشر البرتقال والزبده جيدا
يكون شكله كريمي
بعد نخل الطحين نضيف الزبيب ونفركه مع الطحين باليد
نضيف البيض وحده ورا وحده الى ان يتجانسوا مع الزبده والسكر
نوقف الخفق ونضيف الطحين والزبيب ونقلب بالملعقه
تصب بالقالب وتواسى جيدا تدخل الفرن الهادي مدة ساعه الا 10 دق او حسب النضج
مجرد تطلع غطيها بفوطه 10 دق
واكشفيها تبرد
لازم تبرد اكثر من سااعتين قبل القص حتى تهدا وتنقص بشكل مرتب وما يتفتت الزبيب
وبالعاااافيه على قلوبكم
ولو باتت تطلع تجنن :)
وممكن نغلف قطعه قطعه باوراق النايلون الشفاف ونخليهم ياخذونها للمدرسه :)
بس الخوف يفتتونها بعد مايقطون منها الكشمش ههههههههههه
شكلها رووووعه وفعلا مرتبه وكانها جاهزه
تم حفظ الطريقه :)