الكيك مايضبط عندي

طريقتين اما تضيفين حاجه ساخنه يعني مثلا بدل الزبادي كوب حليب ساخن او البيض والباكنج تطلعينه قبل بفتره لانه لازم عشان يضبط يكونوا كلهم نفس درجه الحراره ثاني شي سخني الفرن قبل لا تدخلي الكيك ثالث شي تأكدي أن المقادير صحيحه من بوكينج بودر ملعقه كبيره للسكر ٣فناجيل للفانيلا ملعقه صغيره للزيت ربع الكوب للحليب كوب كامل والبيض يكفن ٢ او ٣ والطحين كوب ونص استخدمي كوب واحد لكل شي كمعيار

يمكن لانك تفتحين الفرن كل شوي ويدخل هواء بارد يخليها تهبط
يعني لازم ما تفتحين الفرن قبل 20 دقيقه على الاقل اذا محتاجه تشيكين عليها
واساساً الكيك يفترض ما تفتحينه الا بعد 30 دقيقه فتحه صغيره بس تشوفين اذا تحتاج وقت اكثر او لا
والشي الثاني لازم المكونات تكون بدرجة حرارة المطبخ خاصة البيض والسوائل
وتتأكدين ان الفرن مسخن قبل تحطين الصينيه بـ 10 دقايق واضبطي درجة الحراره لا تكون مره عاليه عشان ما ينفش الكيك بسرعه وينضج من برا ويبقى داخله ني او معجن

واذا جيتي بتسوين خليط الكيك اول شي اخفقي البيض مع السكر والفانيليا الى ان يتغير لونه يصير فاتح كأنه صوص
ثم اضيفي الزيت واخفقي وبعده الحليب او الزبادي او الماء واخفقي
ثم المكونات الجافه طحين بيكنج باودر ورشة ملح خفيفه
وانا اضيف للطحين مغلف او ظروف واحد بودرة دريم ويب او بودرة كريم شانتيه يصير الكيك قوامه وهشاشته مثل الكيك الجاهز

جربي هذي المكونات :
3 بيضات
ثلاث ارباع كوب سكر
1 ملعقه صغيره فانيليا
نص كوب زيت
1 كوب حليب
2 كوب طحين منخول
1 ملعقه كبيره بيكنج بودر
رشة ملح
1 مغلف بودرة دريم ويب