اللازانيا الرومنسية ... فقط من مطبخي... بالصوور

السلام عليكم جميعا .... بصراحة بعد تفاعلكم معاي في فطووور السبت الملكي

تحمست انزل لكم هااللازانيا الرومنسيه ..بس بصراااحه لاتفوتكم لان الطعم حكاااااية

اولا نحضر المقادير مثل ماهو موجود بالصورة...

20110227267

ثانيا اشوح البصل بشوية زيت حتى يذبل واضيف البهارات والفلفل الاسود والماجي عشااان تبرز النكهه اكثر ..

20110227269

وبعدين اضيف اللحم واذا تغير لونها اضفت الطمااطم والصلصه وفلفل الرومي وشوي مويه واتركها تتسبك بها الشكل ونخلي فيها شوي مرق عشان تطبخ فيها اللازانيا

20110227273

نحضر صاصة الباشميل عبارة عن نصف اصبع زبدة على النار ونضيف ثلاث ملاعق دقيق واقلبهم شوي
وبعدين اضيف ثلاث اكواب حليب واحرك بسرعه عشان ماتكلكع)))))) هههههه حلوه تكلكع ماعرفت وش اكتب غيرها

واضيف الملح والفلفل الاسود او الابيض واذا ثقلت اضيف ملعقين مايونيز وجبنه سايله واترهك دقيقتين وتكون جاهزه
انا خليتها مو مره ثقيله لاني احبها تنزل من جوانب القطعه وقت التقديم

20110227275


نسلق اللازانيا ثلاثة ارباع الاستواء في حليب وزيت وملح وتكون الكميه حق ثلاث طبقات حسب حجم صينيتك انا صينيتي صغيرة وكفت معاي تسع قطع كل طبقه ثلاث حبات

20110227274

ووابدا باترتيبها بالصينيه اولا شوي من الصلصه الحمراء تبع اللحمه وشوي باشميل عشان ماتلصق اللازانيا بالقاع وبعدين طبقه لازانيا ووباشميل وطبقه لحم وبعدين باشميل وجبنه موزريلا واكرر الطبقات واختمها بباشميل وجبنه موزريلا انا كثرت الباشميل لاني احبه بصراحه وكنت احطه قبل وبعد طبقه اللحمه ... كل وحدة ورغبتها..


20110227277

وادخلها الفرن وهذا شكلها النهائي

20110227279

وحياااكم على سفرتي ولازانيتي الرومنسيه طبعا قدمتها مع سلطه خضراء وشوربه كويكر ...

20110227280


20110227281

وهذا طبق مو بس لاول وحدة ترد لكل من يشرفني بمروره العذب في متصفحي المتواضع... ودمتن بخييير

20110227283