حبيت اشارككم اليوم باللحسه لعيون زوجه الغالي طلبتها قبل فتره
وهي اكله يمنيه للفطور او العشاء عباره عن شكشوكه وفي الواجهه تحطي جبن سائل
المقادير
بصله .. ثلاث بيض .. 1 طماطم
نص فلفل بارد .. شوي كزبره . شوي كراث
ثلاث ملاعق جبن سائل . 2 قرون فلفل حار
ملعقه قشطه ( يمكن الاستغناء عنها)
الطريقه
تجيبي الصاج او الفخار تقطعي البصل
قطع صغيره وتحمريه مع شوي زيت لما
يحمر تحطي الطماطم المقطعه والفلفل
البارد وتقلبي إلى أن ينهرس الطماطم
ثم تحطي البيض وتقلبيه برفق وتحطي الملح
والكمون تخليه شوي وتغلقي النار تحته وتغطيه بصحن عشان ينضج يعني حركه
الصحن تخلي الشكشوكه رطبه وتخليها تنضج
براحتها بعدكذه تبعدي الصحن تحطي ثلاث ملاعق جبن سائل كبار وبعضهم يضيفوا للجبن
قشطه تدخليها الفرن تفتحي النار من فوق
فقط لما تشوفي الجبنه ذابت خرجيها من
الفرن ورشي عليها كزبره وكراث مقطع قطع
صغيره وقرون الفلفل الحار تكون مقطعه
قطع صغيره وتمتعي بالطعم ويا سلام
لو معاها شاي عدني
ممكن زياده عدد البيض واحيان اضيف بطاطس مقطعه مكعبات صغيره اقلبها مع البصل واغطيها لما أحس أن البطاطس نضج اضيف الطماطم والباقي
طبعا البطاطس بيعطي طعم رائع للشكشوكه
ماقصرتي الله يعطيك العافيه
مشكوره حبيبتي
مره احبها والله
جاري التطبيق👩🏻🍳