السلااااام عليكم ورحمة الله
كيفكم يا بناااات
والله وحشتونى ووحشنى المنتدى اوى اوى
بس كنت فى اجازتى السنوية وكان صعب ادخل او اشارك باى مواضييع..
المهم انا مش هاطول عليكم
انا عاملالكم النهاردة اللحمة الباردة وهى تنفع فى كل الاوقات حتى الفطر ممكن تتعمل ساندويتشات مع الزبدة والاطفال بيموتوا فيها وهى سسهلة بعون الله بس ابدأى بتذكر نيتك فى الطبخ وسمى الله وابدأى..
بسم الله...
اولا المقادير
عرق لحمة(انا اللى جايباها نص كيلو على ادى انا وزوجى )
2فص ثوم مقطع شرائح
بصلة كبيرة متقطعة
جزرة متقشرة ومتقطعة مكعبات
2بطاطس متقشرة ومتقطعة مكعبات
ملح وفلفل وبهارات
ملعقة سمن او زبدة
الطريقة
نغسل اللحم جيدا ثم يبرم ويلف بالخيط الدوبارة واعملى شقوق فى اكتر من مكان فى اللحمة وحطى فى الشقوق دى الثوم
اقدحى السمن وشوحى اللحم من كل الجوانب حتى يتغير لونها
وبعدين حطى البصل وقلبى وبعدين البطاطس والجزر
وبعدين حطى الملح والفلفل والبهارات وشوية مية واقفلى الحلة لمدة ساعة ونص وكل شوية اتاكدى ان المية مانشفتش وزوديها لو نشفت واختبرى سوى اللحمة بانك اوخزيها بسكينة ولو طلعت سائل احمر تبقى لسة ماستوتش وخلى بالك عشان سواها مايزدش منك
وبعدين فكى الخيط وانقليها فى صينية فرن واهنيها بالزبدة او السمن وافتحى عليها الشوية عشان وشها يتحمر اما تبرد قطعيها شرائح
ورصيها فى السرفيس بتاعك وتبقى جاهزة للتقديم مع الارز والسلطة والخضار اللى فيها يجنن وكدة شكلها اما تخلص
وبالهنا والشفا
وابقوا قولولى رأيكم ايه...
