اللحين كل الأمهات كذا وإلا بس انا

مراااحب بنات















































أنا اليوم جايه اشكي لكم بعد الله همي وتعبي وكثرة سهري طبعا من بنتي اللي عمرها اللحين شهر ونصف,,

بس بجد تعبتني بالبكاء تخيلو كل يوم من الساعة 12بالليل إلى 8الصبح تتلوى وتتمغص واحس بس انا كذا لاسألت اللي حولي أفهم من كلامهم إنهم مايعانون مثل ماأعاني تعبت انا مرررررررررره وجربت كل شي من مهدئات وبدوووووووووووووووووووووووون فايدة


الحمد لله أنا ماإعترض على قضاء الله وقدره بس ودي افهم وش العله هل هي بي انا رفلا ولا اعرف للبزران وإلا بالنونو
اذكر ان بنتي البكر كذا بعد سوت فيني بهذلت بي 7شهور يووووووووووووووووووه ماانساها ذيك الايام:44:
تدرن أني جهزت غداء بكرى مع العشاء قبل شوي بس إذا قمت من النوم الساعة 1 اكب الرز ,, هذا كله من السهر وقل النوم
بنات أنا مدري وش راح أسوي راح أداوم بداية الترم الثاني والشغاله اللي مقدمتها لسه ماوصلت مدري وشلون بداوم وانا ماأنام ولا عندي من يعينن ويساعدني بالبيت..
وزوجي ابد مومتفهم ولا مقدر يقول انتي اللي مشتهيه السهر عشان تجلسين عالنت والتلفزيون<< الحمد لله والشكر هذا تفكير بلاه ماسهر وشاف التعب



والله يعينن على تربية بنتي هذي ويهديها ويفكها من هالمغص هالعله اللي يرفع الضغط..
ويكتب لي الأجر

هاه بنات وامهات قولوا لي تجاربكم مع هالسهر وهالبكاء المتوااااااااااااصل وشلون أقلمتم انفسكن ووش سويتن؟؟وكيف تؤدون اعمال البيت وأنتي ماأخذتي كفايتك من النوم؟؟؟؟؟؟؟؟؟ظ

وبسأل هل نومها من العصر إلى الساعة 11 بالليل تقريبا بس متقطع بشكل خفيف هو اللي يخليها ماتنام وتبكي؟\
لأن زوجي يقول صحيها بدري ولعبيها عشان تنام معك قلت وشو اصحيها اصحي وحده ماكملت الشهرين
ومره صحيتها وقعدت تغاغي وغيرت لها بس بدت تبكي وتخيلن نامت بدون ماألفها يعني نومها غصب علي وعليها وعلى ابوها؟؟