الف =الف ==الف مبروك عسى الله يتمم على خير

لابالعكس
الشباب يحبون الحلى مع القهوة>>حلى مو قتوة
برايي حطي_ قهوة_ وشاي_ وتمر بحشوات حلوة ورايقة<<يعني مو بالشكل التقليدي
وسوي صنف حلى رايق
وركزي على الصياني والترامس والكاسات والفناجيل والمبخرة تكووووووووون مذهبه ولا معه
وزي ماقالو البنات العود له شان
اتمنى اكون افدتك
الله يوفقك

تمر ورطب او شوكولاتة مع القهوة وفطاير تقديم صغار مع الشاي في عند سعد الدين وكادي والحلويات السويسرية
والف مبررررررررررررررروك مقدما
اما قاتوة فلالالالالالالالا

يووووووووه بنات من جدكم انتم ؟؟
بس قهوه وشاي وتمر ؟؟ ليه وين حنا فيه ؟؟ عاد فيه احد يقدم لضيوفه قهوه وشاي وتمر بس ؟؟ لاحووووووووووول ليه كذا ؟
الحين الواحد لاسير مسيار عادي مايخلون اهل البيت شي مايقدمونه موب عاد خطبه وناس جايين لاول مره
لاحبيبتي جيبي جهدتس هاتي اقصاتتس على قولتهم هههههههههه لاتخلين شي ماتسوينه حطي كل شي اول مايجون قبل الشاي والقهوه العصير والماء البارد ويكونون بكيسان فخمه ومرتبه بشكل حلو وبعده القهوه والشاي
وحطي صينيه تقديم كبيره او سله حلا بيت مشكل مع القهوه بسبوسه وتشيزكيك وكنافه صغار واي حلا تعرفينه وتضبطينه وفنانه فيه ورتبيهم وزينيهم وصينيه تقديم ثانيه فطائر وموالح ومقالي سمبوسه وسبرنق رول وكبه والي تعرفين تضبطينه واذا معها محاشي صغار ومرتبه لاتقصرين
وصحون صغاركشخه وفي كل صحن منديل تقديم كشخه وملاعق وشوك في حامل للملاعق وطبعا اخوانتس يحطون لهم بالصحون ويقدمون لهم وهم عاد بكيفهم ياكلون ولا يخلونه لو حتى يتفرجون بس ههههههههه اهم شي انه شي يجمل وانكم قدمتم شي يواجه وبعد القهوه والشاي فواكه بسله برضوه مع صحون وسكاكين اذا يبون ولا بكيفهم طبعا الكلام هذا كله اذا مافيه عشاء اما اذا فيه عشاء فيكفي عصير وماء وقهوه وشاي وتمر وبعدين تقلطونهم على العشاء وطبعا لاتنسين تهتمين بالمغاسل حطي شموع او ورد وجنبها عربيه فيها مناديل معطره واطياب رجاليه وفوط صغارملفوفه ومربوطه بشرايط ستان بسله وانثري عليها بتلات ورد صناعي تلقينها عند لايف ستايل كانها بتلات ورد طبيعي وتفنني بالي تقدرين عليه
وماعليتس من الي يقول الرياجيل مايهتمون بالتفاصيل لاحبيبتي هذاك اول هالحين والله ينتبهون في كل شي وينبهرون بهالحركات والمسات
والله عاد حنا نسوي كذا مع انا بدو ومن اهل نجد لانه من جد ماعاد فيه احد مايتفنن بهالشغلات
لاعاد اقولتس حماي توه متزوج وحده ومن قريه بعد يوم راح يخطبها وبعد القهوه قلطوهم على سفره وحاطين فيها من كل شي حلويات ومعجنات ومحاشي ومتفننين البنات وامهم ماشاء الله لدرجه حتى حاطين شمعدانات شموع او ورد يعني بالغو شوي تقولين كانهم بغرفة نوم ههههههه
عاد عمي الشايب طارت عيونه بهالشموع والورد يقولون كنه ناقد مااعجبته الحركات خبرتس شايب كبير اما العريس انبسط مره واخوانه طالعين وهم بس يمدحون وحماي المتزوج رجع يسال هي ماعندها خوات اباخذ من خواتها خخخخخخ
شفتي كيف تعجبهم هالحركات ويموتون فيها خلي عنتس كلامهم انهم بينقدون ومدري ايش
والله يوفقتس ويسعدتس ياااااااااااارب

الافضل قهوة وتمر او تمر محشي مع حلى اما القاتوة مايصلح للرجال
بتصير حوسة
والله يوفقك يالغالية