يعجبني الاوقات قبل الفجر اوتر وادعي ومصحفي بجنبي احس براحه واجلس في مكاني لحد ماتشرق الشمس واسوي فطوري وافطر ومن الاوقات المفضله لدي بعد العصر اكون مسويه حلا وقهوه وشاهي واجلس مع عايلتي سوالف وضحك -وايضا عندي شباك على وادي دايم يجي فيه سيل واجلس اتفرج اجواء خياليه مع امطار وكوب شاهي خاصه الايام هذي يوميا امطار عندنا وكل يوم سيل -ايضااحب بعد المغرب اخصص ساع لنفسي اسوي رياضه واسمع انا شيد واحب اخر الليل نجلس انا وزوجي على نور خفيف ومشروب بارد وسواليف الله يديم نعمه علينا وعليكم

باختصار شديد اكيد الميكب والكشخه والصالون

جمعه الاهل

الطبخ احبه واستمتع فيه

عملي لما احس اني انتجت فيه

امي وابوي هم كل شي حلو بحياتي

ولما اشوف زوجي حبيبي راضي ومبسوط

حاليا انا في فتره لذاااذه
جالسه ع فطوري المتاخر والشاي اللي ريحته تصك ب الرااس > زنجبيببل
واروق على صباح الخير ياعرب👍

رفع

لحظه اتلذذ بيها من اسمع القراءن بصوت احبه اتلذذ من أكل شي احبه وبالاخص آيس كريم او كيك بالشوكلا اتلذذ من ابوس خد امي وأشم ريحتها الله اتلذذ من انظر البحر والخضار وإبداع الخالق بما خلق اتلذذ من ابوس ابني اتلذذ من احس بنظره الحب بعين زوجي اتلذذ بكل لحضه جميله بحياتي واتلذذ بالفراش المريح والتبريد عالي واناره خافته وكرزات وفلم ياي