اللزانيا الشهيه من يديني

السلام عليكم

بدخل في الموضوع بدون مقدمات هذي لازانيا سويتها والبيت كله انهبل عليها لا تفوتكم قلت لا زم اقولكم طريقتها سهله ما يبيلها شي
الطريقه مع المقادير على طول
تجيبين قدر وتحطين فيه بصل وزيت وتخلين البصل لين يصفر بعدين قطعي شوي طماط مقدار ملعقتين وحطيه على البصل وحركيه شوي وحطي عليه الحمه المفرومه وخليه تتسبك شوي بعدين حطي شوي صلصه وبهارات وفلفل اسود وملح وغطي القدر لين تستوي الحمه واذا حسيتي الحمه ناشفه حطي بيالة مويه عشان تصير رطبه وبعدين جيبي الزانيا النوع الي تحبين انا عن نفسي احب قودي وحطي الزانيا في صينيه بايركس وغطيها بالمويه وحطي شوي ملح وزيت وحطي عليها قصدير ودخليها الفرن وخليها لين تستوي تراها ما تاخذ وقت ولا تطول في الفرن علشان ما تموع وبعدين جيبي صينيه وحطيه شوي لحم مفروم وبعدين حطي طبقه من الزانيا وبعدين حطي لحم مفروم وهاكذا لين تخلص الكميه وبعدين جيبي قشطة الخفق العلبه الصغيره وصبيها في صحن وحطي عليها ملعقتين جبن سايل وحركيها وحطيها على الزانيا وحطي عليها جبن موزاريلا ودخليها الفرن لين تتشقر وبالعافيه وتتمتعي باحلا طعم