اللس عندها ولد او بنت متلازمة داون تدخل الله يعطيها العافيه

الأسرة والمجتمع

السلام عليكم


هلا فيكم بنات حواء الغاليات

اولا احب اقول للمشرقات الله يخليكم لاتنقلون موضوع خلوه هنا على الاقل لو يومين لان التفاعل هنا كثييير وانا هذا اللي ابيه من تنزيل هالموضوع




ابدأ على بركة الله ^


كلنا نعرف اطفال متلازمة داون وعارفين كثرتهم في هالوقت الحالي وبالذات في السنوات الاخيره ...


عشان كذا اي وحده عندها من هالنوع من الاطفال ياليت تتفضل وتقول لنا

وش المعاناة اللي عانتها ؟؟
وكيف تصرفات طفلها؟؟
واكثر شي تعبها ؟؟
وكم عمره ؟؟
وهل هو ملتحق بمركز او مدرسه او لا ؟؟
وكيف تعلم على الحمام الله يكرمكم ؟؟وكم كان عمره ؟؟
ومتى تكلم وبدا ينطق الكلمات وهل هي واضحه والا لا ؟؟

يعني نحاول نفيد بعض لو بتجاربنا الخاصه

رجاء اللي ماعندها وتعرف مثلا احد من اقاربها عنده طفل داون لاتقول لنا الا معلومه متاكده منها يعني مانبي توقعات عن تصرفاته او اي شي يخصه ...

ابدا انا بالاجابات

وش المعاناة اللي عانتها ؟؟
الحمدلله اولا واخيرا
معاناتي كانت في بداية عمره لانه كان تعبان قلب وعنده كم مشكله مرضيه والحمدلله الان بخير وعافيه
والان اكثر شي اعانيه هو خوفي عليه من الاشياء الخطيره مثل طلعة الشارع او اذا كنت في مكان عام يروح ويبعد مايخاف !!

واكثر شي تعبها ؟؟
زي ماقلت متعبني انه منطلق ويروح مايخاف ...


وكم عمره ؟؟
اربع سنوات وخمس شهور

وهل هو ملتحق بمركز او مدرسه او لا ؟؟
ايه مركز دسكا

وكيف تعلم على الحمام الله يكرمكم ؟؟وكم كان عمره ؟؟
مابعد علمته الى حد الان !!

ومتى تكلم وبدا ينطق الكلمات وهل هي واضحه والا لا ؟؟
تقريبا من مدة شهر بدا يقول كم كلمه ويحاول يقول كلمات بعضها واضح وبعضها ماتنفهم ابد ...


كيف نظرة اقاربك واللي حولك له ؟؟ واطفالهم يلعبون معه والا لا ؟؟؟

الحمدلله نظرتهم عاديه جدا
بالنسبه للعب عادي يلعب معهم بس مازال توه صغير يعني مابعد بين تقبلهم له والا لا ...



يالله انتظر اجاباتكم
والف شكر لكم مقدما على تفاعلكم
2
518

هذا الموضوع مغلق.

@الحمدلله@
@الحمدلله@
تفضلي يالغلا ..والله يشفيه لك ويخليه ..


__++ مجلس اطفال متلازمة الداون ++ ___ ( 1 2 3 ... الصفحة الأخيرة)