اللغمن وصل وبالصور وبالتفصيل الممل

أطباق رئيسية






السلام عليكم ورحمة الله وبركاته اخوواتي الغاليات بناءا على طلب العديد من الاخوات الفاضلات عن طريقة اللغمن
قررت اسويه واصورها وسويتها وكان هذه النتيجه وعليكم بالعافيه يارب دعواتكم لي ولوالدي بالصحه والشكر والعرفان لاختي الغاليه (قصه مو مكتمله)
واذا اخطيت فمنكم العذر والسموحه علشان نزلته بعجل
الطريقه والمقادير مع بعض
اولا نجهز العجين وهو عباره عن دقيق الكميه اللي انت تبغيه وماء وملح ونعجن


ويتكون عندنا عجين قاسيا نوعا ما كما في الصوره

وبعدين نطلعه من العجانه او باليد ونعجن حتى يصبح عجين ملساء وحلو كما في الصوره ونتركه بعد دهنه بقليل من الزيت ليرتاح ونغطيه لمدة نصف ساعه

اثناء ذلك نبدأ بتجهيز الإيدام اوالصوص زي ماتحبه تقولوه المهم وهو عباره عن
لحم مقطع الى مكعبات وعظم لوحده

وفاصوليا خضراء مقطع بهذا الشكل والكميه اللي انت ترغبيه


طماطم مقشرومقطع مربعات صغيره وبصل وفصين ثوم وزيت حوالي ربع كوب او اقل بقليل
88
11K

يلزم عليك تسجيل الدخول أولًا لكتابة تعليق.

تسجيل دخول

مكرونة باشميل
نجي في قدر نحط الزيت لمن يسخن قليلا نحط عليه البصل والثوم ونقلب الى ان يحمر قليل كما في الصورة

ثم نحط اللحم والعظم مع بعض فوق البصل ونقلي ونتركه ونغطيه الى ان يطلع مويته

ثم نحط الطماطم عليه ونتركه قليلا الى ان يذبل الطماطم

ثم نحط 5 ملاعق كبيره صلصه ونتركه الي ان يتسبك مع بعض كما في الصورتين

يتبع الرجاء عدم الرد الآن
مكرونة باشميل


بعد كده نصب مقدار لتر مويه ونتركه ونغطيه على نار هادئه الى ان يستوي اللحم والعظم
[/ur
ثم نرجع للعجين واحنا بنسوي العجين لازم ننتبه لقدر المرق في هذا الاثناء يكون العجين ارتاح واخذ كفايته من الراحه نطبطبه قليل

ثم نقصه بالسكين كما في الصوره

هنا جيبي بصحن مقدار من الزيت لأنك تستعمليه في العجين تدهني العجين ويدك

ثم تجلسي وتسويه زي الصوره اي تفتليه بيدك طبعا هو بيدين بس انا علشان اصور بيد واحد سويته لا حظي الصوره جيدا

وتلفيه في الصحن وبين كل لفه ولفه ادهني علشان ما يلصق مع بعض وغطيه واتركيه قليلا

دحين ارجعي للقدر حق الصوص و حطي فيه الفاصوليا كما في الصوره وقلبيه
مكرونة باشميل
وزيدي مويه حاره عليه قليل واتركيه على نار هادئه ورجعي مره تاني للعجين مشوار صح

دحين هنا ابدي حبه حبه العجين واجلسي افتلي فيه اما فوق الرخام او بيدينك كما في الصوره يعني العجين حيكون
بين راحة يدينك وتجلسي تسوي تفتلي بس لا تضيعي طرف العجين البدايه يعني الى ان ينتهي المقدار بس لا تنسي الزيت بين فتره وفتره ادهني يدك


يتبع الرجاء عدم الرد الآن
مكرونة باشميل
تابعي الصور


هذه مجموعه كلها

دحين بعد ماصار نحيف زي الاسبكيتي امسكي طرف العجين ولفيه من اليد داه لليد داه ولبسي على اصابعك كله كما في الصوره

حيكون كده كما في الصوره

هنا انتهيت منهم كلهم وحطيتهم في سفره قماش احنا البخاريه لازم يكون عندنا سفره قماش لانه اكتر شغلنا عجين وجلسه على الارض

دحين في قدر حطي مويه مليانه واتركيه الى ان يغلي
مكرونة باشميل

وشوفي معاكِ قدر الايدام حيكون الفاصوليا واللحم استوى تمام طفيه او اطفي النار يمكن اضافة الفلفل الرومي مقطع مربعات والملفوف او (الكرنب)قليل يطلع تمام بس انا ماحطيت
لمن تفور المويه او غاشت زي ما يقوله
جيبي اللغمن وحطي عليه وبالشوكه قلبيه وفككيه عن بعض

غلوه كما في الصوره

غلوتين كما في الصوره

جيبي صفايه وتحته صحن تاني وشيلي اللغمن اللي استوه وغسليه بمويه عاديه

لا تكبي المويه لانك حتفوري على دفعات مو كله مره وحده حبتين حبتين حسب المقدار اللي انت سويتيه
يتبع الرجاء عدم الرد الآن