اللغه الانجليزية والحاسب الالي في جامعة الامام؟؟؟؟؟؟

انا اقول اتركي عنك جامعه الامام اهي مافيها شي على مستوى وصح .. الا الاقسام الدينيه والعربي ... ةالا الحاسب واللغه ..ز ما عندهم ساااااااااااالفه...


واستخيري...

لاتغلطين غلطتي
انا جامعةالامام لغة انجليزيه
وانا صراحه انصح دايم اي احد انه لايدخلها انا عيوني ادرس ادب بما اني من الدفعاتالالوى
بس الدفعات الاخيره يقولون غيروا النظاام وصار ترجمه
صرااحه مستواها سيء جدا وفاشله
جامعه كلها واسطات تعرفين احد تنجحين هذا اول شي
ينتصفالترم مانزل لك جدول ولاتحدد مدرسين
ويجونك على اخر شهر يضغطونك ضغطه مهيب صااحيه ومطالبه بكل المنهج
وفوق كذا ضغط موااد يعني اقل شي تدرسين في الترم 3 موااد عاامه
يعني تدرسين نحو ونصوص ادبيه الى جانب المواد الدينيه
يعني تركيزهم على الكم اكثرمن الكيف
ميزتها الوحيده في الدوام يعني 12 ونص الظهر انتي في بيتكم
هذي الميزززة الوحيده

ونسيت اقول شي
القسم توه جديد ماله 4 سنوات
فما عندهم خطه دراسيه كل يووم متخبطين كل يوم منهج شكل
والله انها توصل اننا في الترم نشري للماده الوحده حول 3 كتب كل شوي ناقزين علينا بمنهج

اللغة الإنجليزية أدب وترجمة .. بنفس الوقت وان كان التركيز على الأدب أكثر للأسف .
بشكل عام الجامعة مريـحة إذا كنتي راغبة فيها لأنها إسلامية وراح تستفيدين من الأنشطة اللي فيها ، وميزة ثانية نادر نحمل مواد إلا عند بعض الأستاذات وهم قلة ، لكن نجيب معدلات عالية ولله الحمد . وانا معك فيه مواد تقييم ممكن يخسفونا فيها لكن ننجح .
أما الخطة الجديدة ماعندي معلومات كافية عنها . اسألي واستخيري .




والحاسب يتشابه كثييير مع مناهج جامعة البترول والمعادن . وأشوف البنات صراحة تعبانين من القسم ، لكن ما يمنع تسألين أحد ثقة وتستخيرين .

الله ييسر لك مافيه الخير يارب العالمين وينفع بك المسلمين .

عزيزتى انا ادب انجليزي جامعه سعود مممتازه ومافيه افضل منها وحتى الترجمه وبشهاده دكاتره بجامعه الامام مطلعين على الاثنين
دكتور بجامعه الامام رفض انه بنته تدرس الا بسعود انتى فسريها ليش
المهم الترجمه بسعود عيبها انها عشره اترام يعنى5 سنوات وبعدين يدرسونك عربي كثير وزياده الانجليزي تجلسين فتره تدرسينwriting
وgrammar
الادب متعه تدرسين مواد مختلفه واحس انك تتميزين باسلوبك في الدراسه بعد كان عندنا classes
يعلمونك تعبرين عن نفسك وتتكلمين عن مواضيع بحريه وتقوين لغتك ومواجهتك للناس
وبس