اللغه وهمومهاااااا؟!؟!؟

الله يعينك و الله

شهرين توك، و لك للغة 18 شهر، سنة و نص، عيالك ما شاء الله تلقين لسانهم انطلق و عقبها لسانك يبي ينطلق معهم بإذن الله...معهدك تجاري و إلا تبع جامعة؟

لا تحكمين على نفسك في اللغة الا بعد اكثر من 6 شهور لانك ماراح تلاحظين تغيير

بالنسبة للغة المعهد ماراح يسوي لك شي لا تعتمدين عليه .. المعهد يعلمك الاساسيات ويحضرك للدراسة الجامعية فقـــــــــط
واللغة كلها عليك انتي

اقرئي شوفي تلفزيون خليه شغال طول الوقت حتى وانتي تحلين واجباتك مو شرط تشاهدين بس خلي اذنك تتعود عالنطق والالفاظ

واختلطي في الناس وجاراتك تعرفي عليهم واطلعي


بدون ممارسة واختلاط ما ينفع ابدا

واصبري اذا رحتي الجامعة ان شالله لغتك بتتحسن كثيــــــــــــــــــــــــــر لانك طول الوقت راح تختلطين مع اهل اللغة
مش مع الاجانب مثل بالمعاهد


موفقة

انا 8 شهور تقريبا وامتحنت توفل الجامعه وماجبت الاى 470 من 550 ماستر وتعبانه نفسيا لا محادثه اقدر اتكلم ولا كتابتي كويسه وجيراني متوحشين مافيهم ابد احد يسلم عليك والله اودي كيك اودي عصير احيانا مايفتحون الباب ومدينتي كئيبة ولا فيها احد تسولفين معه احاول بس بدات نفسي تتعب والله ماتخيلت اللغه متعبه كذا الله يعين . بس المعهد المفروض يشجعك ويجيب لك ناس تتكلم معهم بس اذا هم يتكلمون سلانق يعني لغه عامية بحته زي لما اروح انا واقول جملة زي كذا "تبطين ماتعلمتي " معناتاها بالعربي الفصيح سوف تتعلم لاحقا
بس هم يكلمون بلغة عامية والكلمات سريعه وورى بعض:(

هم ما يتكلمون لغة عامية يتكلمون انجليزية عادية تتخللها شوووية كلمات عامية مو دايما يستخدمونها ... بس انتي ما تفهمينها لان لهجة الامريكان سريعة جدا
بس تتعودين عليها مع كثر الاستماع .. انا اول مارحت ماكنت افهم ولاكلمة من حكيهم مع انه لغتي ماشاءالله ممتازة وموظفة مستشفى واختلط في الاجانب بعملي .. بس الامريكان غيييييير خصوصا الصغار في السن والشباب

بس كلها شهرين وتعودت عاللهجة وصرت افهم الحمدلله .. وسنة تقريبا وشبه متقنتها واعرف اتكلم فيها..
كله من التلفزيون .. لاحد يستهين فيه اجلسي اسمعي ليييل نهار .. الاستماع ثم الاستماع ثم الاستماع

وبعدين لما تروحي الجامعة قطي اذنك مع سواليفهم حتى لو ماوجهوا حديثهم لك.. قلدي لهجتهم داخل قلبك .. وربي اتكلم جد
ارجعي البيت رددي الكلمات بنفس طريقتهم

اذا تسمعين اغاني حطيها في الاي بود ورددي الكلمات

وانتي تشوفين تلفزيون الكلمات اللي تلفتك كرريها وراهم حتى لو ماتعرفين معناها
واللي تعرفين معناها انطقيها بطريقتهم في النطق

ترا تعلم اللهجة نص اللغة في رايي ... والمفتاح للتواصل معاهم
لانك في الجامعة راح تسوين برزنتيشن وتلقينه امام الطلاب... اذا ماكان نطقك صحيح ماراح يفهمون شي.


مافي وحدة تتعلم وهي تداوم بالمعهد وترجع تحل الواجبات وتسولف مع زوجها وعيالها وتنام !!! ... الوحدة تتعلم بالقراءة بالاستماع بالخروج والمخالطة.

اذا جيرانك سيئين مو كل الامريكان سيئين بالعكس الامريكان فرندلي مررررة ماشالله

انا جيراني البعض منهم نفس حركات جيرانك .. مااعطيهم وجه ولا اهتم لهم :)

لكن فيه جيران (مو قراب بس نفس العمارة) مررررة طيوبين

طيب كيف استاذاتك في المعهد ؟ اذا هم طيوبات روحي سولفي معاهم بعد الكلاس واعزميهم عندك


وكمان اغلب المعاهد توفر conversation partner لو طلبتي اسئليهم عن هالشي

بعض الجامعات يكون فيها طلاب امريكان يدرسون لغة عربية ويحبون يتعرفون على شخص يتعلمون منه عربي ويعلمهم انجليزي
برضو ممكن معهدك يساعدك في الوصول لهم لو كان المعهد تابع لجامعة


اما المعاهد التجارية بصراحة استغلال وتعليم ضعيف ... ان كنتي في معهد تجاري وعندك فرصة تغيرينه غيريه

لا تشيلين هم شي طبيعي ما يكون لك كثير صديقات امريكيات في مرحلة اللغة... عادي صادقي اليابانيات والكوريات مرة طيوبين ... لكن بس تروحين الجامعة بتكون كللللها امريكان وبيصير الوضع اسهل مرررة


... انا حاسة بمعاناتك لاني راح انقل من امريكا لاستراليا ان شالله قريب ....... والامريكان الله يحلل لهجتهم عند الاسترالين والبريطانيين .. وكمان اقل تقبل للعرب والاجانب.. جد اللي في امريكا تقول الحمدلله ... والله يعين


والله يكون بعونك

مشكورين خواتي على الرد والتفاعل...
انا في معهد تابع للجامعه..
بالنسبه لكلامك اختي لاللخلطات (مافي وحدة تتعلم وهي تداوم بالمعهد وترجع تحل الواجبات وتسولف مع زوجها وعيالها وتنام !!! ... الوحدة تتعلم بالقراءة بالاستماع بالخروج والمخالطة.)
والله انك صادقه بس انامستصعبه الخروج من البيت مع شغل البيت والاطفال بس بكلم المعهد عن مشكلتي وهم مره متعاونيين
والله يعين