اللـــحـــوح .. حلى مديني .. وبس لرمضان .. يامرحبابكم

السلام عليكم ورحمة الله وبركاته

كل عام وانتو بخير

والله يبلغنا رمضان صيامه وقيامه يارب بصحة وسلامة

حبيت اشاركم طريقة حلى مرة سهل وماياخد شي

ولازم منه طول شهر رمضان في كل فطور عندنا نحن اهل المدينة

وان شاءالله حكتبلكم كل شي بالتفصيل الممل لانه يمكن مااقدر ارجع لكم تاني

اتفضلوا

المقادي

كاسة وتلاتة ارباع الكاسة موية فاترة (دافية)

كاسة الاربع دقيق ابيض

ربع كاسة دقيق اسمر

ا م ص بيكنغ بودر

ا م ص خميرة فورية

ذرة ملح وذرة سكر

وتحطيهم كلللهم في الخلاط وتضربيهم لما يتجانسوا

وتحطيهم في زبديه كبيرة (تسموها بادية) وتغطيها بس انتبهي الزبدية لازم تكوني كبيرة لانو حجمها يتضاعف

تتركيها ساعة بالضبط

وبعدين جيبي الصاج (الطاوة = اللي نسوي فيها بيض)

امسحيها بشوية زيت ولما تدفي خدي بمغرفة الشوربة شوية من الخلطة وكبيها ع الطاووة بشكل دائري مرتب

وخلي النار واطيه الين تحمر وتشوفي على وجهها فقاقيع فقاقيع

خلاص شيلها لاترجعي تقلبيها على الوش التاني خلاص كده استوت

وبكده الين تخلصي الكميه

وتصير عندك كنها فطاير مدورة اوكيه

بعدين لك الاختيار بالحشوة

1- تدهنيها عسل وسمن او زبدة او عسل لحالو

2- ترشي عليها سكر بودرة مع هيل مطحون مرررررررة ناعم << هذي تموتني احبها

3- ترشي عليها قرفة مطحونة وتدهنيها بنستله < مااحبها كتير

وبعدين تلفيها زي الاصابع وترصيها جنب بعض

وبالعافية

4- او انك تحشيها وتصير زي القطايف والحشوة تكون (عين الجمل مجروش مع قرفة) وتقفليها او تستخدمي القوالب الجاهزة حقت الفطاير

وبعدين ترصيها في الصينية وتحمريها شوية في الفرن من فوق وتحت

وبعدين تطلعيها وتسقيها بالشيرة حسب رغبتك

وصحتين وعافية
.......................................

وسامحوني اذا قصرت في الشرح

او اذا مارجعت للموضوع
يمكن مااقدر ارجع تاني بس ان شاءالله اني كتبت لكم كل شي بالتفصيل الممل


ماابغى منكم الاالدعوة وان كانت بظهر الغيب انه ربي يتمم عليا حملي بخير

واشوف وليدي بصحة وعافيه يااااااااااااااااااااارب

تحياتي:26: