وردة البحرين اني ما عانيت عشان احمل والحمد لله والله يعطي كل الا يبون ياااااااارب اني اصلا ما كنت امبي احمل لاني بروحي في غربة بس يوم حملت ضليت اضحك من الوناسه وابو الشباب طار من الفرح ظل كلحين ايروح يشتري فحص يمكن صكينا ال40 فحص غير فحص الدم والبول وانتوا بكرامه ...
من احملت طول ما اني حامل اتنسى ومرقده وتخليوا منطقتنا ما فيها بحرينين ولا اعرف احد
واظل طول اليوم في المستشفى بروحي لان زوجي يكون في الجامعه بس صراحع عنايتهم بالحامل غير واااااااااااايد عن البحرين 3 مرات طحت من على الدرج لني ساكنه في بيت طابقين ومرتين بغيت اسقط بس الحمد لله الله ستر يعني وظليت بعد في المشفى عاد قررنا نرجع البحرين لان اختي بتنخطب مع ان ناس واجد نصحوني ما ارجع بس قلت لا لا .واصريت على رايي ورجعت ولو زين حظرت خطوبتها كنت مرقده في المستشفى والله لا يراويكم العنايه والحر وووو يوم الا انظفت الكهرباء على البحرين اليوم العالمي جاني الم واني توني في بداية الثامن واني متفقه ويا زوجي ما نخبر احد اذا قريب بولد رحت الطوارئ وجسكو متوسعه 4 سم و في غرفى التخطيط كان وحده صوبي ترجف تقول لي نادي على السستر وهي يمكن بنهاية السابع ظليت اندي عليه بالصوت لان الجرس بعيد عني وايد جت النرس جيكتها وما قالت ليها شي انهي متوسعه ظلت ترجف وجدي طلبت مني النرس ان زوجها يدخل وبيسدون الستار الا بينا وافقت وجى زوجها يقرا عليها ايات توى بيكمل الا هي صارخه قلبي طاح في الارض من الخوف عاد طلعوا الرجال بيجكون الا هي 9 سم ماشاء لله وخلاص يبون ينقلونها طلعت الجاهل واني كلشي اشوف على الهوا مباشره اخذت رجلين سحبتهم لصدري والدكتوره تسوي ليي نزليهم وهي الدكتوره كانت حامل بعد قلت ليها ادني ما رضيت انزل رجليني وظل الرحم منشد عليي يمكن 10 ايام واني اعاني من طلق بارد وبعدين بالزور الا رضوا ايحطون لي طلق ويرحموني وحطوا ليي الليل وظل الرحك يتوسع شوي شوي وبالم قوي جدااااااا لان كان متشنج وبعد معناه لين ما وصلت ل8 سم الا الدكنوره طلعت لزوجي اتقول ليه لازم عمليه لان الجاهل وقف تنفسه هو في البدايه ما رضى بس بعدين خوفوه ومحد صوبه من الاهل لان مارضوا يدخلون وقع وجابوا ليي الورقه قالو ليي وقعي يوم قريت انصدمت وجاتني حاله نفسيه وظليت ما اتكلم ولا كلمه وحتى الدكتور يوم بيضربني ابرة الظهر ظل يسالني وجدي واني ما ارد قالو يمكن خلاص ما اتكلم من الحاله الا جتني وسوو ليي بنج نصفي واحس بكل شي صوبي وولدت وجابوا ليي فطوم كانت صغيره وايد 2.600 جرام وبس يعني مريت بتجربتين ولاده طبيعي وقيصريه
وبس والحين ما امبي احمل الا بعد 3سنوات عشان اقدر اولد طبيعي ادعوا ليي ووبعد شنو ياربي==== فطوم مجننتني جنون الحين عمرها 8اشهر ونص وكل متملله لان بروحها وهذي قصت حياتي من طئ طئ لسلام عليكم ادري دويتكم بس انفض فض شوي :D

السلام عليكم احلى بنات لاحلى بحرين ولا ننسى احلى منتخب بيلعب يوم الجمعه


دنيا الخير تسلمين عيوني على السؤال والله بس مشاغل ضربة حظ عندها عمال بناء في البيت واروح اقعد وياها زوجها غايب




ام يوسف شنو قصتج خرعتيني ان شاء الله كلها غفران للذنوب



بنات شنو اخر الاخبار خوشووو وين التقرير اليومي

يعني ام يوسف انتي عندج ولد و بنت؟؟
يوسف و فطوم و لا بس فطوم ويوسف اللي ان شاءالله يشرف بعد ثلاث سنوات
الله يخليهم لج يارب و يردج من الغربة في القريب العاجل

عندي بس فطوم والحمد لله طلبتها من الله وعطاني اياه بس يوسف لان ازوجي كنيتها ابو يوسف واول ما نخطبت كنت مشتركه وسميت هالاسم والله يسمع منش وارد من هالغربة تعرفون بحرينين ما نعرف انعيش الا اذا شمينا هواها
ومشكوره مغربيه على الاهتمام

ام يوسف الله يحفظ لج فطوم هذا كله بيعوضج الله عنه خير في بنتج