مشكورة يا ام علي على هذا الدعاء الحلو من الصبح

والله يرزق الجميع إن شا ءالله الذرية الصالحة يا رب

وأحلى صباح لك ولجميع البنات اللي معانه

ياهلا وغلا بخواتي عساكم طيبين :)

أختي ونة ألم

أهيه من ناحية الشغل والتنظيف ماعليها كلام بس ماتنفع حق اليهال :( يمكن أمي تاخذها لأن خدامتها بتسافر وبذي الشي ماكون ظلمتها والله يعيني عليها لي ماتوصل لي وحده ثانيه لان فهمها بطيء أمي تقول نطري عليها شوي وبتفهم بس انا مافيني شدة صبر

أختي بيبي

أنا سمعت وايد يمدحون اصيله ومسوين فيه تغيرات ومجددينه وأسعارهم بين 20 - 30 دينار

ياهلا وغلا ومرحبا بج اختي زهرة بيتي

نورتي يالغاليه ياهلا بج وباهل السعودية

اهلا وسهلا بخواتي البحرينيات انا متابعه مواضيعكم ودائما اقرأ سوالفكم بس يمكن هاذي اول مرة اشارككم بالكتابة . ان شاء الله تقبلوني اخت وياكم علشان استفيد من مواضيعكم الحلوه
ومبروك على التجمع الجديد.
اختكم عفوف البحرينية

زهرة بيتي
هلا ومرحبا نورتينا
مشكووووورة حبيبتي كلامج فرح قلبي
ودعائج لي يعطيني تفائل اكثر
تسلمين لي
ونتشرف بمشاركتج معانا اي وقت ترى البيت بيتج


ماي جوكلت + ونه الم
عادي حبيبتي
ما ازعل
كل شي بيد الله
والله كاتب لي
الله يسلمج انا كنت اتابع مع السلمانية الصبح
ولما بدأ عليي الطلق على 2 الظهر
ما رضيت اروح المستشفى من كثر ما اسمع لا تروحين من وقت يلعبون فيج
وبالغصب رضيت اروح على الساعة 11 بالليل وجا معاي زوجي واختي
ومن دخالت طةارئ الحمل والولادة
دخلوني علشان يحطون علي تخطيط دقات قلب الجنين ويشوفون اي كثر انفتحت
حطوا التخطيط
اشوف وجه الكتورة تغير
واختي وزوجي
وطلعوا برى
بعد شوي دخلت اختي والدكتورة
اقول لهم شنو صاير؟
قالت لي اختي: انتي ايمانج بالله قوي؟
قلت لها الحمدلله بس شنو؟؟؟!!!
قالت لي اقول لج بس توعديني تكونين قوية؟!!!!
قلت لهااي شنو؟؟؟؟؟
قالت وهو ماسكة ايدي ((فطوم ماتت في بطنج من 8 ساعات قبل لا نروح المستشفى))
بس هذا اللي سمعتة
ووعيت انا في غرفة الولادة
وزوجي معاي واختي وامي وام زوجي
يقرون على راسي قرآن
ومن وانفتحت 10 سم طلعوا زوجي واهليبرى وولدت طبيعي
وكان وزنها 3.5 يعني وزن ممتاز
وقالوا لي إن اختناق بالحبل السري
وما رضوا اشوف (فطوم) اصريت اني اشوفها وقمت اصيح
اقول لهم بعد كل هالتعب لى الاقل خلوني اشوفها
سألوا زوجي واهلي قالوا خليها تشوفها
جابت (فطوم) جنبي وهي في سريرها
كانت مثل طفل طبيعي نايم
ما تبين ابد إنها ميتة
بيضة وشعرها حرير مثلي وغليض واسود
قلت لهم ودي امسكها ما رضوا
وبعدين عطوني ابرة سوو لي لخاط وما وعيت إلا الظهر<<<<< وهذي قصة حياتي من الالف الى الياء
والحمدلله
كل شي بيد الله
احنا راضين وقانعين بالمكتوب
وانا متفائلة
بس انتي (ماي شوكليت) ليش مكتئبة؟
من شنو خايفة؟
انتي حامل يعني؟


جوليت البحرين
مشكوووووووورة عيوني
والله من طيبج يالعسل
اني بعد كلى خاطري اشوف بنات المنتدى واقعد اتخيل اشكالهم
حتى من اطلع من البيت ودي ارد بس علشان سوالفكم الحلوة
حبيبتي من بس (دار الدواء) بعد سألي عني في (صيدلية الرحمة) في مدينة عيسى
بس عاد يقولون لج شنو campoocha ؟؟؟؟ اي لغة تتكلمين هههههههههههههه

أختي غنادير
قريت موضوعك عن الخدم ... بالضبط حالتك مثل حالتي اول وحده كانت وايد زينه بعدين الثانيه كانت مشتغله في لبنان وايد فري واربع وعشرين ساعة تبي تسمع اغاني ما صلحت ورجعتها بعدها الثالثة كانت اندونيسية بعد ما توفقت وياها تمت عندي خمس شهور وكانت صغيرة عمرها 17 سنة بس كانت مراهقة ومزعجه وفضولية . بعدها اللحين عندي حبشية هادئة وتوها صار لها اربعة شهور ونصف والى للحين اعلمها الشغل .
موضوع الخدم متعب ومثل ما يقولون كل واحد وحظه
الله يعينك ويسهل عليك في اختيار وحده تريحك.