روانه المزيونه :

هلا بنااات شخباركم ادش في الموضوووع على طووول بنات انه وصلني باحد الايميلات هل الموضوع بس ابي اعرف هل صج قبل لا احرق قمة راسي ولو انه ما احب الحلبه خايسه بس مثل ما ياقولون الي يبي الدح ما ايقول اح.... اقروه وقولوا لي .......!!! الموضوع وهو منقول طبعا : انا عندي صديقة مرة كنت اسالها عن شئ يطول ويغلظ الشعر فراحت على طول قاتلي انه بنت عمها كان شعرها حالته لله قصير منتف هزيل فيها فراغات بشعرها يعني على قولتهم مب حرمة قرعة وعقب كم سنة شافوها بعرس وبطلت شعرها ماشاءالله لحد فخوذها وغليظ وطويل الكل استغرب شنو سوت له صكت على بنات العايلة كلهم حتى كانت كله تتحجب عشان محد يشوفه ويحسده على طول صديقتي سالتها شنو سوت له وصار بالشكل هذا قالت حلبة مطحوونة مع زيت جوز الهند اعتقد براشووت وحطته بالشمس يومين وبعدين بدت تستعمله يمكن بالاسبوع ثلاث مرات تحط باليل الزيت على شعرها وتنام فيه لحد الصبح( لازم من بليل وتنامون فيه) وبعدها تغسله المهم استمرت عليه فترة طويل لحد شعرها ماصار بالشكل هاذا يعني النتيجة بانت بعد شهوور والامكنة الفارغة بفروة راسها كلها امتلأت بشعر والبنت صارلها سنين تستعمل هالخلطة بس كانت مخبية عليهم والحين كل بنات عايلتها يسووون الخلطة وبانت معاهم النتيجة بصراحة انا وايد كنت اسمع عن الحلبة بس بعد كلام صديقتي وكلام بنات المنتديات فعلا الحلبة رهيييييييبة جدااا بدل مانخسر فلوسنا ونشتري مستحضرات وزيوووت مكلفة جدا ومانحصل نتيحة في الاخر في افضل من الاشياء الطبيعية ماعتقد فيه بس احنا للاسف مانعرف قيمتها mangooooooooooool

هلا بنااات شخباركم ادش في الموضوووع على طووول بنات انه وصلني باحد الايميلات هل الموضوع ...