اولاً احب ابارك لكم بقرب شهر رمضان
واسأل الله ان يعيننا على صيامه وقيامه وان يجعلنا واياكم من عتقاء النار
اخواتي ابي اذكر لكم موقف حصل معي امس
وحبيت انكم تستفيدون منه
امس رحت السوق ودخلت محل رامز
وكان معي جوالي و محفظتي وداخلها مبلغ مالي كبير
وذاكرتين جوال مليانات صور ومقاطع للعائله
وصور دفتر العائله واوراق خاصه
المهم
وتعرفون رامز كبير وزحمممه مرررره
وتقضينا اغراض وبس وصلنا عند المحاسب اطالع الا معي جوال ومحفضتي مو بيدي
وربي طار عقلي وشوي وابكي مدري وين وكيف ضاعت مني
وعلى طول قلت اللهم اني استودعتك محفضتي وطووول ما انا امشي وادور اقول
اللهم اني استودعتك محفضتي
يارب ردها لي يارب احفظها
والله انا ماهمتني الفلوس كثر ما هموني الذاكرات لأن بها صور عيالي ومقاطع لهم قديمه
المهم زوجي على طول راح بلغ الامن والمحاسبين عن المحفظه
ورجعت على نفس الاماكن اللي اخذت منها الاغراض وماحصلت شي :44:
والله صرت ارجف وخفت مررره لا والمشكله صورة دفتر العائله يعني صور وفديو مع الاسماء موثقه :35: خخخخخخ
المهم بعد يمكن 5 دقايق:time: رجعنا للعربيه حقتنا الا وواحد من المحاسبين ينادي على زوجي وانو يعطيه المحفظه
ياربي لك الحمد والشكر ماتتصورن فرحتي بمحفظتي
وزوجي سأل المحاسب من اللي جابها قال زبون ابن حلال الله يجزاه الجنه يارب
بس خساره راح لان زوج كان بيتشكره ولو كان عامل من عمال المحل والله غير نعطيه فلوس لحسن امانته
المهم رجعت لي محفظتي بفضل دعائي لله رب العالمين فله الحمد والشكر على فظله
وانصحكم لا تنسون الدعاء هذا فله فضل عظيم
دائما استودعو الله في كل شي اولادكم مالكم صحتكم فالله يحفظهم بمشيئته تعالى
والأن استودعكم الله اللذي لا تضيع ودائعه
:27: