اللقافة مو شي هين واسألو مجرب

معليش يابنات ودي اسألكم سؤال
هل تجيكم حالات لقافة صريحة من بعض الجيران او الأقارب؟؟
صراحة لأن من تزوجت لقيت ناس رامين الخصوصية بالشارع ويتصرفون تصرفات كنت احسبها ماتصير غير بالمسلسلات
مثل وحدة من جاراتي لو شافت كرتون مرمي بصندوق النفايات اللي بحينا التابع لبيتنا تتصل تسألني وش اشتريتي شافت بنتي (عشان لاتقول هي) كرتون مرمي بنفايتكم
جارتي الثانية تتصل متى صحيتي؟؟ وش طبختي اليوم عالغداء؟؟ صراحة صرت اقولها طبخت سلطة فواكه عشان تفهم اني ما احب اسئلتها
المشكلة لو شافت مني تصرف ماتقدر تسويه مثلا قلت كنت سهرانة عند عمتي (مثال مو معناه انه صار) تقول ليش تسهرين عندها لا تسهرين ماله داعي والله انكم فاضيات وتقعد تقلل من تصرفي
ليش ماعندك غير بنت وحدة ليش ماتحملين مايصير تتأخرين روحي احملي خل يكبرون سوا وشو قطوة بس اروح احمل واجي الخلفة بيد ربنا

إلى متى هالقافة متى بنطور انفسنا هاللي حكيته يعتبر ولاشي لبعض الباحثين في خصوصيات الغير البعض منها وانا عانيت منه يفجر مشاكل
انا عارفه ان جارتي ماقصدها شي ويمكن لأنها تعودت ولو كل الناس لقافتهم مثلها كان ما اشتكينا لكن فيه ناس تدخلوا بخصوصياتي ليفجرو مشاكل بقيت اثارها للآن ناس حورو تصرفاتي وبعض امور متفاهمة انا واهلي عليها ومال احد اي مصلحة او دخل فيها بالعربي اشياء خاصة بعيلتنا ويقومون يفتحون العيون عليها لدرجة انه بأحد الأيام حاولو يوقعون بيني وبين نظر عيني (ابوي) اللي الكل كانو يغارون من تدليعه لي اللي دمعت عينه يوم زواجي اللي كان ممكن يحارب الدنيا عشان يشوف الأبتسامة على وجهي وماعرفت باللي صار الا لما لاحظت ابوي تغير بشكل موممكن احد يلاحظه غيري وسألت ماما قالت لي ماعليك ابوك ماتغير انت تتوهمين وهي تدري باللي صار بس ماودها تضايقني أوتحسسني ان فيه شي لأن الله يوفق ماما مؤمنة انه ما ينصر العباد إلا رب العباد
لكن الحمد لله الملعوب ماطول زلت لسان عرفتني بعدوي ووضحت لي كل الامور صح انها كانت محبوكة لكن اصابو المقتل
ودعيت ربي يفرج همي ويكفيني فيهم لأنهم كانو اقوى مني بحكم صلة القرابة وحاولت اركز على اني اثبت لبابا عكس اللي اثبتوه له وما تأكدت من كلامي غير يوم لاحظت بابا رجع لي احسن من اول لأني صلحت الفكره اللي زرعوها له بدون ما افهمه اني عرفت بالموضوع
عارفين ايش صار؟؟ كل واحد كان سبب الفتنه صار له منغصات مستمرين فيها لهالحين وتفرق شملهم واشغلهم ربي بمشاكلهم اللي لها 3سنوات من بداو المشكله إلى هالحين وهم مايطلعون من مشكلة إلا وهم بغيرها وساس البلى صارت اكبر عدوه لهم ولبابا لأن الله اراد ان يكشف غبائها بعد ما كانو كلهم مجتمعين ضدي
والله لو تدرون الشي اللي سوو لي مشكلة عشانه انه ليس له صله بهم ولا يضرهم ولكن اللي فجره الغيييييييييرة



البعض يبحث بالخصوصيات عشان يفجر مشكلة او بسبب الغيرة أو عشان يداري اخطاؤه ويلفت الانتباه لأخطائك فانتبهي لنفسك يمكن لو تعودت عالقافة تسري بدمك وتفتك بك ليس لأنها سامة فقط ولكن لأنك ممكن تآذين احد بلقافتك ويدعي عليك ودعوة المظلوم مستجابة

إذا فهمتو شي دقو لي مس كول لأني اكتب وانا متحمسة واحيانا الحماس يحوس صاحبه ولأني ما ودي اذكر تفاصيل المشكلة لأن الفكرة اني ابين ايش قد اللقافة شينه
:icon35: