اللقيمات الي في توقيعي و على طلب الكثير من الاعضاء

هلا فيكم يا حوائيات .... اليوم فتحت الرسايل و تفاجأت بالكثير يسألني عن اللقيمات الي في توقيعي و لعيونكم نبدأ

المقادير:
كاس دقيق ...ملعقة اكل نشا و ملعقة اكل كسترد ...ملعقة صغيرة سكر و ذرة ملح ...ملعقه وسط (الحلو) خميرة ...ملعقه اكل حليب بودرة و مو مهم تحطينها....الاهم في هذا كله ملعقة اكل زبادي (روب) ...ماء للعجن و لازم ما تكون سائلة و لا سميكة تكون وسط او اثقل من الوسط و الله مو قادرة اشرح لكم اكثر ....شوي حبة البركة و اللي ما تحبها مو مهم.....تخلط المقادير و تتركينها تقريبا ساعتين ..... تسخنين الزيت على درجه اعلى من الوسط ويكون الزيت غزير.... و الي تبغي يكون اللقيمات مكور و شكله حلو...لازم تبل ايدها بالماي و تاخذ مقدار صغير باطراف الاصابع و تسحبها الى اعلى في جدار الزبدية اللي عجنتي فيها اللقيمات بحيث تتكور معاك مثل الكورة و بشوي شوي تحطينها في الزيت ...مدري فهمتو ؟؟... المهم بعد ما تخلصين من القلي تحطين عليها العسل و لاني من اهل الاحساء الكريمه النخله اكرمتنا بدبس التمر اللذيييييييييييذ و ما يحلى اللقيمات الا بالدبس يمي يمي

يله عليكم بالعافيه مقدما ...و دعوة حلوة منكم تكفيني