اللقيمات أو لقمة القاضي أو الزلابية محبوبة عند أغلب الناس
وخصوصاً في رمضان
وأنا كان عندي مشكلة معاها جربت وصفات كتيره من النت ومن التلفزيون
لكن لقيت الحل أسهل مما تتوقعوا
ومن رمضان الين دحين وأنا أعملها مافيها أي اختلاف
والسر في هذه العلبة الجميلة الرائعة والمريحة أيضاً
علبة العلالي (خليط لقمة القاضي )
طبعاً مافي مقادير وحوسه فقط
المقادير والطريقة مع بعض وباالصور
كمية الدقيق الموجودة في العلبة
مع كمية الخميرة اللي معاها
وتضيفي لها كأسين ونصف ماء
تعجن وتترك لمدة ساعة كامله حتى تخمر
وبعدين باالملعقة تنزليها في الزيت وتقليها
وبعد كدى تحطي عليها الشيرة أو الشربات أو العسل ( زي ماتحبي )
وباالصحة والعافية عليكم
أخليكم مع الصور
هنا أثناء القلي
وهنا مره تانية عملتها وحطيت عليها سمسم
وهادي صورة أقرب
وأخيراً أتمنى ألاقي تشجيع منكم
حاسه اني اكتشفت كوكب تاني هههههههههه
