يسعد مسائكم يالغاليات .. الكل يحب ويعشق شي اسمه لقيميات وبالذات لما تكون مدورة الشكل ولها لمعة جذابه وطعم مقرمش لذيذ ، ولها يومها الخاص .. يعني اكثر الاحيان ماتقدم الا في المناسبات والعزايم وخصوووووووووصا عزايم شهر رمضان الكريم والغالي على قلوبنا الله يعيده علينا سنين وسنين ، طبعا انا لقيمياتي تشبه لحد كبير لقيميات زيتونه 500 ربي يحفظها بس مع بعض اضافاتي البسيطه ...... طولت عليكم ورح ابدأ معكم بالمقادير على طول .. بسم الله الرحن الرحيم
المقادير : 2 كوب طحين ابيض ( ويفضل الكويتي ).. لانه يخلي اللقيميات تنتفش افضل .
1 ملعقه كبيرة خميرة فوريه
2 ملعقه كبيرة حليب بودرة
ا ونص كوب ماء دافيء
2 ملعقه كبيرة سكر
4 ملاعق كاسترد ( اللي يسمونه تطلي ) ، او نشا .
3 ملاعق زيت
رشة صفار الزعفران في حال عدم وجود الكاسترد
رشة هيل مطحون ناعم جدا عشان مايبان بالخليط .. وانتي وذوقك .
صحن صغير زيت لتغطيس اطراف الاصابع .
الطريقه : 1/ يوضع الماء الدافيء في الزبديه ، ويوضع عليه الخميرة ويحرك بمضرب البيض اليدوي .
2/ يضاف الزيت والسكر والحليب البودرة ويحرك حتى يمتزج تماما .
3/ يضاف الكاسترد او النشا ورشة صفار الزعفران ويحرك ، ثم يضاف الدقيق المنخول بالتدريج حتى نصل بالعجينه لمرحلة اللزوجه ( يعني العجين يتمطمط معاكي ، وراح يكون اثقل من خليط الكيك بشوي ، لاهو سايل ولاهو زي عجينة الفطاير ) .. ويترك يتخمر ساعه كامله .
4/ نبدا نقلي وطبعا يكون الزيت ساخن وليس حار لدرجة الغليان ، ولما نبدا وضع اللقيميات في الزيت نخفف النار .
5/ نجمع ثلاث اصابع من اليد مثل أكل السنه ونبلل يدينا بصحن الزيت الصغير ثم ناخذ باصابعنا الثلاث قطعه صغيرة من العجين ونزحلقها في الزيت وان شاء الله بصور الخطوه هذي للي مايعرف كيف يحط اللقيميات بالزيت وانزلها بموضوع اخر بالتفصيل عشان تتعلموا طريقتها كيف .. ونملي الطاوه باللقيميات ومن ثم نرفع النار ونحركه باستمرار عشان يتحمر من كل الجهات ( يعني مره نودي اللقيميات يمين ومره نجيبها يسار لحد ماتتحمر .
6/ نشيلها من الزيت ونضعها بمصفايه وليس بالشيره وانتبهوا لهذي الخطوه .. بتقولون لي ليش ؟؟؟؟
بقولكم : لان لووضعتيها بالشيره على طول راح تنخفس معاكي وبيروح تكوريتها الحلوه وراح تشرب شيره كثير وتصير تموع الكبد من كثرة الحلى اللي فيها :09: .. اتمنى تكونوا فهمتنوني .
7/ بعد مانخلص قلي نجيب الشيرة ونسقيها فيه واذا تبون حلى زياده مره ثانيه خذوا الشيرة وصبوا عليها لين توصل للحلى المطلوب . وبالعافيه على قلوبكم .
طبعا بتقولون الطريقه طويييييييييله وصعبه .. بقولكم لا والله يابنات بالعكس سهله جدا بس انا احب اذكر الخطوات بالتفصيل عشان تفهمون الطريقه بالضبط .
جربوها وراح تدعون لي .. والحين بنزل الصور وان شاء الله تنال اعجابكم وبالعافيه مقدما :) .
بهجة الحدايق @bhg_alhdayk
محررة فضية
يلزم عليك تسجيل الدخول أولًا لكتابة تعليق.
الفراشه المبخوته
•
الله يعطيك العافية
يسلم يمينك ويسلم يمين من علي العز رباك
جزيتي خيرا
اللهم بلغنا وإياك شهر رمضان والمسلمين أجمعين
جزيتي خيرا
اللهم بلغنا وإياك شهر رمضان والمسلمين أجمعين
الصفحة الأخيرة