اللللي تبغى فلوس تطبق هدا الشي وتبشر بالخير

يابنات حقولكم ايش صار معايا بكل اختصار
مع اني مابظن اني اختصر لانو حرام افتح موضوع كامل على كلمتين
هههههههههههههه



الاسبوع اللي فات كنت خارجه لمكان
وعند الباب شفت رجال شيبه
شكلو يكسر الخاطر بجد
كان بيطلب الناس
انا جواتي تعرفوا ابتدت الحرب مع الضمير والشيطان
حقولكم الحوار اللي صار

انا : ياريت معايا علشان اعطيه
الشيطان : ايش تعطيه اصلا اللي بيعملو ممنوع ولو شافوه مكافحه التسول على طول على السجن
انا : بس بجد حرام لو كان مش محتاج كان احترم شيباتوا وجلس في بيتو معزز مكرم
الشيطان : انتي مصدقه تلاقيه خارج يقضي الوقت
انا : حد يقضي لوقت في مكان زي هدا اصلا باين عليه انو معتاز وشكلو يكسر الخاطر

المهم انتصرت على الشيطان واتعوذت منو وقلت انا ابغى الاجر من الله واهم حاجه نيتي

قلبت في شنطتي وطلعت المقسوم وكان مبلغ جدا بسيط
مديتها للرجل واتوكلت على الله

بكره كنت جالسه في امان الله شويه بسمع الوالد ربنا يديه طوله العمر والعافيه
ينادي عليا بشكل مخيف

الحمد لله الحمد لله انا خفت ليكون حصل شي كبير

رحت بسرعه شويه قال ليا خذي اتفاجات انو اعطاني مبلغ مالي
صحيح مش كتير لكن نعمه ماكنت بفكر فيها حتى

انا جلست 3 ثواني مش مستوعبه هههههههههههههه

كيف انا ماطلبت !
كيف عرف اني محتاجه لكن ماطلب لانو عارفه البير وغطاه !
من فين جاب المبلغ !
ووووو..... دار في راسي كام سؤال في ال 3 ثواني السابقه الذكر :42:


المهم رجعت مكاني وانا مش مستوعبه اللي صار

بعد يومين وانا مالزت افكر كيف وليش ولماذا ومن اين ووووو .....


اتذكرت موقف الرجل الكبير في السن اللي بيطلب الناس
وربطتو بالموقف اللي صار


والله العظيم ماكنت بتصور انو حيجيني مبلغ
ويعلم الله انا محتاجه لو كثيير
وسبحان من يرزق من يشاء بغير حساب

رحمت الشايب ورحمني ارحم الراحمين
واعطاني وكافأني بخير مما اعطيت

سبحان الله العظيم


يابنات نصيحه لو كنتي محتاجه
ولا تمري بضائقه
ولا الفلوس اللي معاكي مابتكفي
ولا تبغي ربنا يزيدكي ويعوضكي
ولاعندكي مريض
ولاتبغي الاجر المضاعف من الله
ولا تبغي ربنا يكفيكي الشر والمصائب

اتصدقي اتصدقي اتصدقي

وانتظري العطاء من اكرم الاكرمين في الدنيا قبل الاخره

وهذا وعد من الله :)


يعلم الله لو كنت مااريد لكم الخير ماتعبت حالي وكتبت
ويعلم الله اني لم اقصد رياء ولا سمعه فلا احد يعرفني ولا اعرف احد هناء


والله من وراء القصد


الحمد لله حمدا كثيرا طيبا مباركا فيه
الحمد لله عدد خلقه
ورضى نفسه
وزنة عرشه
ومداد كلماته


:)