اللله يخليكم بنتي وش الحل معها

أختى هيو....اهلآ بيكى...:27:
ويارب افيدك .....أنا معلمة برياض الاطفال وعملت تمهيدى ماجستير فى الفئات الخاصة......... وحالة ابنتك موجودة كتير فى الروضة...ولكن!!!!!!!!
انتى اسوء حاجة بتعمليها مع بنوتك انك بتقارنيها بأقرانها...لازم تعرفى حببتتى ان فية فروق فردية بين كل الاطفال...لكن اهم حاجة انك تتاكدى من خلوها من اى "عرض كلينيكى"
يعنى هل طبيعية ذكائها طبيعى؟؟؟؟؟؟هل كل مظاهر نموها كانت طبيعية؟؟؟؟ممكن اذا اهملتيها يسبب لها صعوبات تعلم عشان كدة اهتمى بيها واطمئنى عليها اولآ...
ثم لازم تتعاملى معاها بفن...ودراية لان التربية مش سهلة...
علميها بالاسلوب المحبب لها بالعب مثلا!!!!!
هاتلها العاب مفيدة تنمى مهاراتها فى التفكير والابتكار وحاولى دايمآ تثيرى تفكيرها بفزورة او لعبة تتخيل معاها....
استخدمى معاها اولآ المجسمات مثل الفواكة وعدى معاها ..موزة وتفاحة دول كام؟؟؟وهاكذا
طلعى مواهبها وشوفى هى مهتمة باية وساعديها فى تكوين هوية خاصة بيها؟؟؟
والاهم امنعى تعليقات اخوها بجدية منك كى لا تتأثر نفسيآ...
اشركيها فى اتخاذ القرارات فى مثلآ{ ناكل اية النهاردة؟؟؟هتلبسى اية واحنا خارجين؟؟؟
كمان خوديها معاكى فى السوبر ماركت وحاولى تسأليها عن معلوماتها فى بعض الاشياء...
وكررى وعيدى وزيدى...لغاية ما تثبت المعلومة.......
والاهم علاقتك بيها ومراعاتك لنفسيتها اهم الاشياءءء...
وربنا يهدهالك وتشوفيها فى الجامعة وعروسة حلوة....بوسهالى بالنيابه عنى....سلام يا جميلة

انتي رائعه يااختيhawaa2003
:24: :26: :24:

مادري كيف اشكرك
صحيح بنتي تحب التلوين والرسم
وتنسيق الالوان

بس عشان انا كنت شااااااااااااطره مره

توقعت بنتي مثلي


ومادام انك رياض اطفال

اذا راح اسئلك اذا تكرمتي

بنتي غياره مره من كل الي حواليها


من بنت اخوي عشانها ذكيه وترد وهي اصغر من بنتي ما شاء الله عليها

وتغار من زميلاتها

مع اني اكلم المعلمه واسألها عنه

تكفين ساعديني بليزززززززز

واذا ممكن اراسلك على الخاص

:17:

حببتى هيو.....بنوتك بتغار لانها حاسة بعدم ثقة فى نفسها..صورة الذات عندها ضعيفة....لان الى حواليها مش فهمينها....اخوها بيضحك عليها وقريباتها اشطر منها وكمان مامتها عايزة منها كتيييير اوى زى منتى كنتى شاطرة.....بنوتك حاسة بكل دة صدقينى الاطفال عندهم شفافية رهيبة وبيكونو فاهمين كل حاجة لكن كلة متخزن داخلهم وبيطلع فى صورة تصرفات عدوانية....كالغيرة...العصبية...شويةشوية ممكن تكرة الاحسن منها.....وكل دة احنا مش عايزينة......
بالنسبة للغيرة....علاجها معاها كالاتى:
اولآ: تعرفى بنوتك شاطرة فى اية؟يعنى مثلآ"الرسم"....اهتمى بيها...وأثنى عليها كتير....وقوللها رسمك دة رائع...انتى اشطر واحدة فى العائلة بتعرف ترسم...وعززيها بصورة فورية بشوكولاتة او بالشىء اللى هى بتحبة.....
ثانيآ:اتكلمى عنها مع أخوها وبباها اصدقائك وعائلتك امامها انها شطورة جدآ وحفظت مثلآ سورة"الفاتحة" او رسمة رسمة رائعة.....وهكذا
ثالثآ:رجعى ثقتها بنفسها وانها انسانة محبوبة من ماما وبابا وأخوها.....
رابعآ: لازم اخوها يبطل تهريج عليها....
خامسأ:شاركيها فى اهتماماتها....هاتلها فى البيت صلصال وقوللها تعالى نعمل اشكال غريبة وجديدة ونشوف مين الاشطر؟...خليها تساعدك فى البيت بصورة خفيفة....
سادسآ:قابلى معلمتها وأعطيها حلويات او الشىء اللى بنوتك بتحبة..وأطلبى منها انها اذا تصرفت اى تصرف مطلوب منها أو عملت سلوك مرغوب فية ان تعززها بصورة فورية....وبلاش العقاب السلبى نهائى......
وبالنسبة للعقاب المناسب للاطفال عمومآ هو{الحرمان من النشاط.....او من شىء هى بتحبة او انك تخاصميها شوية او متتفرجش على الكارتون} وليس العنف بأى صورة....
دعميها نفسيآ وانتى هتشوفى النتيجة الممتازة بأذن الله.....
وأخيرآ ادعلها ربنا يهديها ويباركلك فيها....
وانا تحت امرك فى اى حاجة.....:27: