الللي تعرف بالضمور بالدماغ وعندها خبرة فيه تفيدنا...

بسم الله الرحمن الرحيم


أخواتي ياليت تفيدوني أخوي بهم عظيم لا يعلمه الا الله

متزوج من عشر سنوات وبعد سنة ربي رزقة بولد مثل القمر بس كانت حركاته غريبة في البداية يضحك كثير ومايقدر يوزن راسه

وبعد ماصار عمره سنة وشوي ولد أختى اللي مولود معه طبيعي ماشاء الله ويتحرك ويمشي ويعبر بس ولد أخوي تأخر وصرنا نقارن بينهم

ولما سووا له اشعة وفحوصات طلع معه ضمور بالدماغ والله كانت صدمة علينا وعلى أمه وأبوه والحين عمره ثمان سنوات ومفروض يكون بثالث ابتدائي والله حتى البامبرز أمه تلبسه مايعرف امه وابوه ولايميز شئ واذا احد ضربه والا طاح مايحس وفيه رجفة واضحة

المصيبة مو هنا

المصيبة ان امه لما كان عمره شهور وماكنا ندري عن مرضه حملت وجابت بنت نفس أخوها بالضبط والحين عمرها 7 سنوات وماتعرف شئ ابدا بس تأكل وتعملها بالحفاظة الله يكرمكم حتى الدرج لازم أحد يشيلها ولاتعرف أحد من العايلة

وياعيني على امها مسكينة للحين خايفة تحمل يجيها ولد ثالث معاق

ياليت تفيدونا

وش الاسباب اللي خلا البنت تجي مثل اخوها

دايم الناس يقولون لأخوي تزوج وحدة ثانية وجيب طفل سليم يمكن دمك مو مناسب زوجتك مع انها ماتقرب له والمسكينة لما تسمع الكلام تموت قهر وبكاء


وهل اللي معاهم فعلا ضمور بالدماغ ؟؟؟مع العلم هم يأخذوا علاجات للصرع والولد أول ماانولد مابكى!!!

وهل اذا حملت مرررة ثالثة بيجيها ولد نفس عيالها؟؟؟

مسكينة نفسها بولد سليم معافى ويتقطع قلبها لما تشوف عيال قد عيالها يتكلموا ويلعبوا وخصوصا ان العمر بيمضى وزوجها يبغى ولد يقوم فيه بكبره أخوي عمره 38 وزوجته عمرها 31هل تنصحوها تحمل؟؟؟؟

أفيدوني ولو بدعاء وجزاكم الله خير وشفا مرضاكم اللهم آمييين