اللهجة الخليجية تحمل من المشاعر في ألألفاظها

السلام عليكم ورحمة الله وبركاته
هذي أول مشارك لي في عالم حواء الأكثر من رائع
زي ما قرأتم في العنوان
بعض البنات عتبوا على اللهجة الخليجية إنها خاليه من المشاعر وهذا إلى يجعل في حياتهم بعض الرسمية في التعامل وهذا شيء غير صحيح المرأة الخليجية كانت كبيرة في عين الكبير والصغير بحسن (منطوقها ) يعني بالعربي كانوا الرجال من أول بس يسمعون كلامها إلى ينقط عسل يموت عليها
كيف الآن نقول ما عندنا في لهجتنا شيء يميل الرأس ويلين الحديد ؟؟؟؟؟؟؟؟؟؟؟؟؟
حنا بس زادت علينا النعم.. الله يبارك لنا فيها ويعطينا خيرها ويكفينا شرها
بدينا نغير جلودنا يعني مثلاً وممكن ينطبق على محيطك أنتِ بعد بس لاحظي
حنا بالحجاز فيه بعضنا أصله من نجد لكن اختلطنا بأهل الحجاز - وكنوا وقتها أهل مدنية وسابقينا بالعلم كثير بحكم اختلاطهم بالكثير من الجناس والثقافات المختلفة وتزاوجهم منهم واستقرار بعضهم في مكة المكرمة وجده وغيرها من مناطق الحجاز- المهم صايره الأخت باحثة تاريخيه وحنا ما ندري
الزبدة أن الكل أصبح ينظر لهذي اللهجة أنها المدنية فأخذنا كم كلمه وأضفناها للهجتنا وطبيعي أن حذفت كم كلمه مقابلها حتى نبرة الصوت اختفت نبرة الحنو ولين الجانب اختفت لأنه كانوا يأخذوها من معلمات مثلاً أو صديق في العمل وهذي أماكن قد تقل نسبه الحب فيها
وتعلوا فيها الصوت..
في الوقت الحاضر المدنية معناها اللغة الإنجليزية
تبغين تتأكدين من كلامي طبعاً قد لا يكون صحيحاً تماماً إنما يحمل جوانب من الصحة
صولين التجميل لو بتروح وحدة فيكم وش بتقول؟؟؟
وصلت لكم الفكرة أتمنى إني وفقت في ذلك ..
تعلوا لوحدة من النماذج للهجة الخليجية وأنتم أحكموا:
هذي وحدة من جداتنا أكيد قابلتيها وشفتيها وما هو غريب تسمعين مثل ها الكلام منها
بس على فكرة ترى بعض البنات تستحي أن جدتها تكلم وحدة من صاحباتها ويصير وجهها أسود من الحياء ليش طيب عشان المدنية والصورة المزيفة الى رسمتها لنفسها .....أعرف هذا مو موضوعنا بس حبيت أوضح قد أيش حنا نبدل جلودنا
لو جوها زوار ومعهم أغراض لها ممكن يكون الزائر زوجها ولدها أي أحد بس دق بابها وش بتقول مثلاً (بلهجتنا مو كلمه من بر كلام يفرح والله)
ويا هلا تو ما أنور المكان ..
الديرة نورت ..(لو من بعيد جايين )
ما شاء الله ما قصرت..
عساك تسلم..
جعله عامر..
الله يسلم..
الله يطول عمرك..
عساك ظخر
عساك على القوة..
على وشو الكلافة..
خيرك سابق ..(لو تعذر أنه جاء يديه فاضية أو ما جاب كل المقاضي لو هي طالبه منه )..
هذا شيء بسيط والباقي كملوه أنتم وشوفوا كم جملة ترد الروح وتبسط ممكن تقولها جملة مو كلمة ورد غطاءها ..
تعالوا معي نتخيل أحفادها عندها الي يسلم عليها والي يتشيطن عليها وش بتقول:
تحب الكعبة..(لو أحد يحب رأسها)..
ويا بوي للولد..
ويا أمي للبنت..
الله يصلحك... يا الله تحفظه وتهديه هذا وهي في قمة عصبيتها ..
الله يستر عليك..
وش بتقول لزوجها مثلاً :
يا نظر عيني
يا عين أبوي
وفديتك
وعساني بعدك
وعساك ما تشوف الضيم.. (هذا لو رد لها كرامتها وخذ حقها)
أنت جنتي وناري..
يا لبيه (لو أحد ينادي )..
أبشر بلى يسر عينك وقلبك..(لو طلب في عزيمة أو عند أهله مثلاً)..
وكل ها الكلام الي يفرح الزوج ويبن مكانته وقدره عندها وأغلبها كناية عن الحب تقدر تقوله قدام الكل بدون أنها تخدش حياءها الي يخلي الرجال يعشق ترابها..