سلام عليكم ..
طبعا انا من زمان معاكم في المنتدى تنزوجت قريب من 6 شهوور تقريباا وكانت كاتبه كتابي سنه تقريبااا .. يعني تقريبا عندي خلفيه تامه عن زوجي الحالي ,,
تقريبا موو 100% فهمته بس بعد احتاج وقت اكثر ,,,
مشكلتي معاه ربعه + القهووووة + مرااات احسه مب قد المسؤووليه + ووايد اتكالي علما انه هو اصغر واحد في بيتهم ودلووعهم وكل شي في حياته جاهز مجهز حتى اناااا
اول يوم كتب كتاب بينا واول مرة اشوفه فيها صار موقف غريب قامت توصلني مسجات غريبه من رقم بنت الى رقمي اللي هوو طلعه حقي يعني توني انا استخدمته لان فتحهه جدامي مبين انه ييديد وتقوول فيها اني راح اندم لاني تزوجته وانه صاحب سوابق وعلاقات جنسيه والخ طبعا انصدمت من الكلام هذاا وواجهته وماخبرت احد وقالي سالفته وانها مفتريه عليه وانها كانت ربيعة القرووب كله يعني ربعه كلهم يعرفونها وهي متزوجه والخ .. من الله ماعرف ليش ياني احساس انه صاادق معاه وكنت مطمنه منه وكنت احس انها تبي تخرب حياتي .. انتهت السالفه وكملنا معنه في البدايه قالي :: ماظن تنسين بتم نقطه سووده فقلبج :: بالعكس انا والله نسيت ..
وعرسنا كانت بينا مشاكل بس عادي بين أي 2 ..
من يوومييين شفت في تلفوووونه مسجات هوو مطرشنها لبنت انجرررررررحت وااااايد حسيت من الاسلوووب انه هوووو تضااايقتت واايد وواجهته طبعا انصدم وماعنده شي يقوووله :: وقال انه هذا ربيعه ومرات يستخدم تلفونه واتصلي واسألي وشوفي ويحلف والخ 70% صدقته بس المشكله اني قلت له من اليوم ورايح انا مابرضى الا بشروووط وقلت له شروطي :: 1.احساس بالمسؤوليه وتنسى انك عزابي وخلاص تنسى سوالف الشباب 2. القهوة والشيشه تخففها ولاحظوو قلت تخففها لاني اعرف انه مستحيل يتركها بسهووله .. طبعا في هاللحظات اوامري مجاابه وانتهى الموضوع ورقدنا .بس 2 يوم تم معاي طول الوقت لييين الساعه 9ونص قالي بطلع قلت له
لأ حرام تقضي يوم كامل معاي .. طبعا احتشر انا بكيفي وانا اقولج ماشاورج والخ .. قلت له اطلع بس انا مب راضيه وطلع بس للامانه هو ما يتأخر وايد ,,
طووفت هالموقف 2 يوم هو من الصبح في الدوام يرجع وقت الغداااا يتغدى وينام والعصر عنده كليه يعني ماشفته هاليوم ابدن يوم خلص الكليه يا البيت وياب لي اغراض طلبتها وكنت بكامل اناقتي ولابسه ومتعطره وكل شي وقالي بطلع انصدددددمت ليييييييييييش بعد اليوم ماقلت شي بس من عيوني يبينكان وهو فاهم بس يطنش وطللللع ... لكن نا انهرت ليش انا مااستاهل يقضي فتره معاي ع الاقل بعد ماكتشفت الخيانه ولو انه مب هو لكن مافي دليل وانا بعدني ماطمنت صااار نقاش حاد بينا كلمته قلت له بتفاهم معاك قالي مابىى,,, وقلت له خلاااص ووصلني لبيت اخوووي وانا سكتت ولا خبرت اخوي بسالفه ولا شي بس راقده في بيتهم من امس لليوم كلمته ماحسيته غلطان بالعكس يقولي انتي ماصلحتي الموضوع بطلعتج وانتي قلتي اني خاين واني مب قد المسؤوليه والخ صح انا قلت هالكلام في مسجاتي لان اغلب شي كان بينا مسجات ..
مش من حقي انزين هو ماعنده دليل انه مظلوووم وانا عندي دليل انه ظااالم شوو اسوي لازم بتضاايق كيف اهون عليه يهدني لوو ساعه او ساعتين انا طالعه من صدمت المسجات المفروووض يدوووس ع رغباته شوووي ... لوو عشاااني ,,, وهو دايما حاط فباله فكره اني متسلطه مع العلم انه مايسوي اللي اقوله ابدن واخر كلام بينا انه هو شارني ويباني بس كل يوم بيطلع وانا بكيييفي شوو الحل يعني
بنت الهم @bnt_alhm
محررة فضية
يلزم عليك تسجيل الدخول أولًا لكتابة تعليق.
كان الفروض تجلسين معه جلسه صريحه
وتقولين له اذا انت فعلى وشاريني.
تخصص لي أيام ماتروح فيها لربعك.
وغير كذا ماتستمح لحد يستخدم جوالك
هذا انت فعلآ تبيني وشاريني زي ماتقول
لازم تبين هالشي بالفعل مو بالكلام!!!!!!!!!!!!
لازم تجلسين معه المسجات ماتنفع
واجهي بكل شي وأصري انه يثبت لك حبه.
صدقيني مافيه أحلى من مواجهة المشاكل وجهآ لوجه
الهروب مامنه فايده
وبعدين بكره يتعود على بعادك عن البيت ويصير طبيعي عنده
وجودك زي عدمك
أنتبهي تعيدين طلعتك .
وأتمنى لك الراحه والسعاده يارب.
وتقولين له اذا انت فعلى وشاريني.
تخصص لي أيام ماتروح فيها لربعك.
وغير كذا ماتستمح لحد يستخدم جوالك
هذا انت فعلآ تبيني وشاريني زي ماتقول
لازم تبين هالشي بالفعل مو بالكلام!!!!!!!!!!!!
لازم تجلسين معه المسجات ماتنفع
واجهي بكل شي وأصري انه يثبت لك حبه.
صدقيني مافيه أحلى من مواجهة المشاكل وجهآ لوجه
الهروب مامنه فايده
وبعدين بكره يتعود على بعادك عن البيت ويصير طبيعي عنده
وجودك زي عدمك
أنتبهي تعيدين طلعتك .
وأتمنى لك الراحه والسعاده يارب.
الصفحة الأخيرة
ع الاقل انصحووني :(