*مافيش فلوس كفاية : رغم ان مصروف البيت تضاعف الا انه مش كفاية تخيلوا......طب يا ترى هم الدنيا كله فلوس؟؟؟ اعتقد لو ان اى مشكلة تتحل بالفلوس ماكنش بقى فيه مشاكل ولاهموم فالدنيا ...لو فعلا توقفنا عن صرف اموالنا بدون جدوى هيكون عدنا مايكفينا.
توقفى عن شراء اكوام من الاشياء التى بلا هدف لان مصيرها الى خارج منزلك ليس فنزهة فالقمامة.
وطبعا هتسهل علينا ترتيب البيت مش هيبقى فيه اكوام من الاشياء لا نستعملها ولا نجد لها مكان وهيبقى معاكى فلوس اكتر.
كم تنفقى على الوجبات السريعة ؟؟؟سؤال يطرح نفسه
كم تنفقى فمجمعات التخفيضات؟؟؟
طيب المبلغ دا مش مبلغ انتى فحاجة اليه فعلا ..... :D وانا كمان

*معنديش مكان كفاية....طبعا عند اكوام بلا طائل محتلة الاماكن المتاحة فالبيت والمخزن والدولاب.لو انك بتشترى الحاجات اللى لازمكى فعلا وانتى بتحبيها فعلا وبتستخدميها يبقى الاكوام المتراكمة مش هتلاقى مكان عندك لانك بترحبى بالبراح
وهيكون عندك مكان للحاجات اللى انتى محتاجها دا اكييييييييد.

*بيتى ضيق قوى ومافيش اماكن كفاية!!!! ساكنة فعلبة سردين ؟؟؟طالما ان كل واحد عنده مكان يقدر ينام فيه يبقى البيت مناسب جدا بس خفى الزحمة والكراكيب وهو يبقى فلة الا ان كنتى بتحبى الكراكيب اكتر من عائلتك.

*لا احد يحترمنى بما فيه الكفاية عارفة ليه لانك مش بتقدرى نفسك وتحترميها بما يليق بها .انتى مش محتاجة اعجاب حد بيكى علشان تقدرى قيمة نفسك .لو انتى فعلا مقدرة نفسك بقيمتها الحقيقة الناس من حولك هتعرف قدرك.

*معنديش فساتين حلوة كفاية:الحقى جوزك هيرمى نفسه من البلكونة اصله سمعك بتقولى كدا امال دولابك مليان ايه؟؟؟ ورق جرايد؟؟ولا دى معونة الشتا
اساسا دا راجع لعامل تقدير الذات .انت معندكيش تقدير لنفسك انك جذابة فيما لديك.
رغم ان فستان بسيط انيق كفاية جدا لو لقيتى وقت تلبسيه وتهندمى نفسك هتبقى اشيك واحدة فباريس ..........بارفع معنوياتك
توقفى عن الصرف واحفظى مدخراتك لنفسك ...القرش الابيض ينفع فاليوم الاسود
عليكى فقط بالنظر الى دولابك واضافة لمسات جديدة لاثوابك يعنى بدلى الجيبة دى وع البلوزة دى الطرحة دى للطقم دا ازرار للفستان غيرت معالمه وهكذا ابدعى.
للعلم هناك عدة اثواب نتبادل لبسها مهملين باقى ما فى خزانتنا
انظرى الى ما فى الخزانة وعدليه بما يناسب تحصلى على ثوب جديد.