اللهم اجرنا بمصيبتنا

اليوم صحيت الصبح على خبر صدمني
توفت زوجة اخوي

كانت مريضة بقالها ثلاث سنين وتتعالج بالسر لحد ماقال زوجها قبل ثمان شهور انها تشافت منه
بس قبل شهرين رجعت ساءت حالتها جدا ودخلوها العناية مشددة
واخوي مايقول مافيها الا العافية
اليوم الظهر تتصل علي اختي تقولي بخبرك ب خبر
تقولي زوجة اخوكي توفت امس بالليل
جاني شعور حسيت نفسي مشلولة من قوة الصدمة
توقفت كل احلامي وامنياتي بمجرد ماسمعت هالخبر هذا
اخوي تركها بالرياض ومعاها اختها ورجع لبيتهم بالدمام بس عشان ابنهم وكان بيرجع لها على طول ثاني يوم وبنصف الليل اتصلو عليه وقالوله حرمتك توفت وطلع لهم وهو منهار من كثر مابكى عليها وراح مع اخوي الثاني
للحين دموعي ماوقفت
الله يربط على قلبه يارب
ماعندهم الا ولد واحد عمره ١٢ سنة
سبحان من جعل علينا الموت حتما محتوما يأخذ منا احبائنا واقاربنا ولانملك لهم شي الا الدعاء لهم بالرحمة
عاجزة انطق بحرف من كثر صدمتي وحزني حاولت اتصل عليه انا وزوجي بس مقفل جواله للحظة هذي
اللهم اجرنا بمصيبتنا واخلفنا خيرا منها