السلام عليكم ورحمه الله وبركاته
في البدايه الحمد لله على كل شي بس انا حبيت اكتب تجربتي عشان الكل يستفيد ومتل ما اتعودنا بهاد المنتدى نفيد ونستفيد
انا عندي بنتين الحمد لله حاولت قبل اكمن شهر اني احمل واخدت على مدى شهرين كلوميد وبالشهر الثالث قفلت ظهري واستمريت ع الكلوميد وحملت ولله الحمد ، الله يعوضني بالخير يا رب ، للاسف ما انتبهت على حالي لا برمضان ولا بعد رمضان حركتي سريعه كنت اشتغل وانسا اني حامل من هبلي وللاسف الاسبوع الماضي صار ينزل معي دم راجعت الدكتور حكالي الجنين ما في شي هاد دم خارجي وسمعني النبض واعطاني دافستون اخدت منوا 3 حبات وباليل اصبح المغص يجي ويروح عليه وصباح الجمعه اجهضت بالمنزل نزل الدم شفت الكيس الابيض الي هوي كيس الجنين ووصار معي نزيف قدرت اوقف واستغفر رب العالمين واقول اللهم اجرني في مصيبتي واخلف لي خيرا منها ، بعد مرور ساعتين نزلت مني قطعه اكبر من القطعة الموجود فيها الجنين بعدها الدم اصبح عادي من اول ما اجهضت عملت لنفسي قرفه مع زنجبيل ما بتتخيلوا شو انها مفيده الله لا يحوجكم الها الا بعد ولاده يا رب ، والحمد لله ثاني يوم رحت للدكتور حكالي فعلا الكيس نازل وما بتحتاجي لتنظيفات .
نصيحتي لكل وحده ببدايه حملها العمر بخلص والشغل ما بخلص انتبهوا لحالكم كتير بس اول ثلاث اشهر والنصيحه الثانيه ما تخبروا حد بالحمل الا بعد ثباتوا من هبلي رحت حكيت لكل العالم والناس .
وطلب من خواتي الي بتعرف وصفات او رابط للوحده شو لازم تعمل بعد الاجهاض من عنايه شخصيه لا تبخل عليه
الله يعوضني الخير يا رب ... دعواتكم يا حبيبات قلبي
ام سوار الحلوه @am_soar_alhloh
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة
رفع