اللهم اجرني في مصيبتي وعوضني خيرا

السلام عليكم ورحمة الله وبركاته

بنات أنا بمشكلة و هم وادعو لي انه يفرج علي وييسر أمري ويرزقني بالوظيفة والزوج الصالح أنا وأختي ولا تنسين في ملك يقول لك ولك بالمثل


انا من كنت صغيرة وامي مانعة زواجي بسبب انها ماتزوج الصغيرة قبل الكبيرة كبرت وتخرجت وماصار يطق بابنا إلا مواصفات أبد ماكنت أتمناها
ضاعت الفرص بسبب أمي ومع ذلك كاتمة بصدري وكنت أنقهر بس بالنهاية هي تسوي اللي برأسها وأبد أنا مو هامتها وكل الناس صارت تدري أنه ماتزوج الصغيرة قبل الكبيرة

بعد تخرجي صارت توافق لأنه إلا الآن ماجا أختي نصيبها وتوها تصحى أمي بعد ماترس الشيب رأسي

وصار أبوي هو اللي يرفض البعض مو الكل
مره خطبني ملتزم ويوم شافته اختي وع تشتهينه علما انه اختي هذي متزوجة وامي ماكانت رافضته بس اختي الله يهديها طيب انا بعيش معه ليش كذا وشفت شكله متوسط الشكل وكفاية انه ملتزم من وجهة نظري يعني أبد شكله مو منفر بالنسبة لي بالعكس أحلى من زوجها .

وهالأيام خطبني مطلق من ملكة :frown: ونفس الشيء اختي المتزوجة خربت علي للمره الثانية
وانا قلت ماراح أوافق ولاراح ارفض إلا بعد السؤال
ليه الأخوات يخربون على اخواتهم ادري تبي لي الزين بس مو أول مره وغلط ترفضون من اول مكالمة بدون سؤال انا هامش هم يخططون وانا ابلع الموس القرار قراري والحياة لي
امي كانت شبه موافقة لكن بعد كلام اختي قالت لا
سؤالي يحق للأب يرفض رجل صالح بدون موافقتي ؟
ادعو لي انه الله يعوضني بافضل منه
النفسيات الله يخليهم تخلي ردها لها وتحتفظ فيه لنفسها مني ناقصة أنا