اللهم اجمعني بمن تطل على موضوعي في الجنان

اول شي روحي فحصي شوفي سبب النزول لان شي مو طبيعي و ان شاء الله خير

ثانيا اخذي فيتامين مع الاكل يكون مره وحده باليوم يرد لج صحة بشرتج و يعطي حيويه بإذن الله
احسن نوع اسمه centrum

ثانيا يبيلج تقشير سريع و في من loreal مجموعه عباره عن انبوبتين تقشر و تنقي لكن للامانه ماستخدمتها يمدحونها و ناويه اشتريها اسمها Refinish micro dermabraision

حطيلج مستحضرات عنايه يوميه من غسول و مقشر و تونر نيتروجينا visibly clear احسن مجموعه حاليا

مافي وقت طبعا حق الخلطات و هالسوالف

اخيرا الميك اب لازم اختياره موفق خصوصا الفاونديشن لان البعض بدل ما يخفي يبرز

لكن نصيحه اخت بالله تروحين الطبيب و تحاولين تزيدين وزنج مره ثانيه عليج بالعسل و التمر و الحلبه اذا تقدرين لو تلهمينها لانها تحسن البشره و الشعر و الوزن

والله يوفقج و كون لنا نصيب من دعوتج الحلوه

ترف حبيبي والله لساني عاجز عن شكرك يااااارب تنولها اللي في بالها وتيسر حالها وتجعل الجنة دارها ..

عزيزتي والله الأكل صار نسياً منسياً ، رغم إني متأكدة انو سبب علاجي ..
يا حبيبتي بعد الملكة ما صرت افكر في الأكل أبدااااااا وانسى أصلاً انوووو في شي اسمموو أكل .. شهية مااااافي ..
حتى الدبلة تعالي شوفيها كيف صارت ، صرت اطفش ألبسها من كثر ما أخاف عليها تطيح !!

بس مو مهم ..
المهم لوني يرجع زي أول .. وخدودي تتملى شوية ..
شعري الحمد لله مهتمة فيه روعة ..

ما أدري أختي أخاف من المقشرات والكريمات ودي الأشياء ..

في مرة قبل ملكتي قريت عن خلطة في المنتدى لنفخ الوجه من محتوياتها الكركم والزبادي والخميرة .. بس ماني لاقية الخلطة ونفسي ألاقيها عشان أسويها ..

والله يا أختي من استخدام واحد جابت نتيجة .. مو نفخ الوجه طبعا .. بس تفتيح ملحووظ ..

معقوووولة يابنات ولا وحدة فيكم حابة تساعدني ..

هادا وانتو اللهم صلي عالنبي كل وحدة فيكم موسوعة ..

ادووووونا نصايحكم ..

حبيبتي تسلمين عالدعوات الحلوه و لك بالمثل ان شاء الله

صراحه انا ماستخدم خلطات لكن هذا الي من لوريال المفروض يفتح لانه يشيل الطبقه الميته و في موضوع كاتبين عنه, و في تقول مع ان بسرتها حساسه ناسبها, اهو مرتين بالاسبوع

و اذا تبين نعومه فوريه اخذي سكر الاكل العادي بللي ويهك ماي دافي و فركي بخفه يؤلم شوي ليش خشن لكن لاتضغطين و تألمين نفسك وايد

و اهم الشي التغذيه الي من داخل جسمك, اخذي الفيتامين و شوفي
لكن لازم تاكلين الصحه و الحيويه و الجمال من صحة جسمك, غصبي روحك شوي شوي لان موزين جذي, حتى لو بديتي بس بالاكل الي تحبينه

سمعت عن الخميره لكن احسها خطره مادري و خفت استخدمها بعد ماشريتها

الحلبه تنفخ, تقدرين تاخذينها مع الحليب و العسل و التمر

و تفتح الشهيه بشكل مو طبيعي اذا داومتي عليها