اللهم ارحم ضعفها وقلة حيلتها

السلام عليكم اخواتي الغاليات

ترددت بكتابة الموضوع بس بصراحه من كثر ماآثر فيني الموقف قلت بتوكل على الله
واكتب عشان تدعون لها لعل منكم من تستجاب دعوتها

امس الصباح كان عندي موعد بالمستشفى دخلت الاسعاف وجلست عشان اخذ قياس الضغط
وفيه سرير قريب من جنبي فيه وحده نايمه عليه شكلها تتألم اسمع صوتها واسمعها تأن
الا اشوفها فتحت الستاره واشوف وجهها عليه اثآر تعب اعطيها بالاربعين من عمرها او الاثنين والاربعين المهم اسمعها تتكلم وتصرخ تقول ااااه تعبت انا تعبانه ابي استفرغ اااه يارب مالي غيرك وتدعي اشوف نظرات شفقه من الممرضات السعوديات واسمعهم يهونون عليها قلت بيني وبين نفسي الله يشفيها وبعد كذا طلبت مني الممرضه اقوم عشان تاخذ لي تخطيط للقلب سمعنا صوت صراخها وبكاها وجاء زوجها وطلعوا اتوقع لغرفة كشف او مدري قالت لي الممرضه السعوديه مسكينه هذي تعبانه مره قلت الله يشفيها قالت حالتها حاله دايم تجينا تعبانه

المهم خلصت من التخطيط والتحاليل طلعنا من المستشفى انا وزوجي قال لي فيه وحده تعبانه قلت ايوا بس مدري ايش فيها قال اسمع صراخ وكان جنبي رجال واشوفه دخل القسم وبعده طلع لقسم الرجال وشكله متضايق وسألته عسى ماشر قال ابد زوجتي تعبانه شوي يمكن من اثر جرعات الكيماوي اللي اخذته انا هنا ضاق صدري عليها الله يشفيها ويخليها لاطفالها ويكشف ضرها يارب وكل مريض
حبيت اقولكم عشان تدعون لها
اللهم إرحم كل من عانى مع مرض السرطان و إشفِ من لازال يعاني منه و قر أعين أهله بشفائه
يا ودود يا ودود ,يا ذا العرش المجيد ,يا مبدئ يا معيد,يا فعالاّ لما يريد ,اسألك بنور وجهك الذي ملأ أركان عرشك, وأسالك بقدرتك الذي قدرت بها على جميع خلقك, وأسألك برحمتك التي وسعت كل شيء, لا إله إلا أنت اللهم أني أسألك يا من يملك حوائج السائلين ويعلم ضمير الصامتين فأن لكل مسألة منك سمعا حاضرا وجواب عتيد ولكل صامت منك علما نافعا ناطقا محيطا أسألك بمواعيدك الصادقة وإياديك الفاضله ورحمتك الواسعه ان تنزل رحمه من رحمتك , وشفاء من شفائك عليها وعلى كل مريض
يـارب إن قدرتك تفوق قدرةَ الأطبـاء . .
فأنزل عليها شفاء من عندك
اللهم خذ بيدها وادفع عنها شـر البلاء وبـشرها شفاءها

يآ رب آنزل شِفآئگ على مَن يحتآجهُ مِن عِبآدَگ ♡
يآ رب آنزل شِفآئگ على مَن يحتآجهُ مِن عِبآدَگ
امين يارب العالمين
اللهم صلِ على محمد وآله وصحابته اجمعين