اللهم ارزقنا العافيه ❤️

السلام عليكم
خلال كم سنه تكررت علي اعراض نفسيه وجسديه (جاني فجأه بالليل قبل النوم تنميل في الجسم بداية من اصابع الرجل الى الراس ثم ضيقه وتزيد الاعراض وتخف الى اليوم 💔) وايضًا امي واخواتي اعراض مختلفه ، غير الاحلام المستمره معي وتضايقني جدًا
فُسر حلم لاخوي بوجود سحر بالبيت والعلاج كان برش الزوايا بالماء المقروء مع ملح ثم طلع رائحه كريهه جدًا بعد اسبوع تقريبا ونمل اسود كثير ومافيه اثر لبيت نمل كأنه يدور حول نفسه ومن بداية القراءه ورش البيت جاني خمول قوي طول الوقت اخلص شغلي وانسدح واذا بقوم صعب علي كأن اطرافي ثقيله وكل يوم جمعه احس دوخه وانام اغلب اليوم غير الخفقان والصداع والضيقه واهلي عادي الحمدلله ماتأثروا وانشغلنا عن القراءه واختفى النمل والريحه وخفت اعراضي كثير !
رحت لراقي وحسيت وقت القراءه بعيني اليسار ترمش بقوه من نفسها كثير ومااقدر اوقفها ابدًا لين خلص قراءه وسالني تحسين بشي قلت لا (كنت خايفه وابي اطلع بسرعه ) وقلت بنفسي لو كان فيني شي كان بيعرف من دون مايسألني والحين رجعت اشغل البقره بالبيت واذا نسيتها يوم اتعب واتضايق ولي كم يوم احس بنبض قوي يجي بساقي من الخلف مااعرف ليه واقول يارب يكون شفاء وعافيه❤️
سؤالي هل اكيد فيني شي او هذا توهم ؟! فيه اشياء كثيره بس مابي اطول واكثر الكلام 😢
الله يفرج همي ويكشف ضري وجميع مرضى المسلمين