السلام عليكم ورحمة الله وبركاته
شهر رمضان المبارك، الشهر العظيم الذي أوله رحمة، وأوسطه مغفرة، وآخره عتق من النار، قال تعالى: (يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُون) البقرة: 183
رمضان كريم علينا وعليكم ي رب
جعلنا وياكم من عتقاءه من النار قولوا آمين
كيف حالكم حبيباتي؟
عساكم طيبين وكيف الصيام معاكم تقبل الله منا ومنكم صالح الاعمال
اتشرف بكم في يومي الرمضاني
بسم الله
يومي يبدأ من الساعة 11ونص الظهر
اصحى من النوم واقرأ ماتيسر لي من القرآن الكريم
بعد صلاة الظهر... ابدأ بالتجهيز للفطور
اجهز العصاير كل عصيراتي طازجه
كل نوع لحاله (يمدحوون 50 فاكهه ) بس ما هنا احد يسمع
واعجن للفطاير وللسمبووسه وطلع اللحم المفرووم ولحم الشوربه
عجينتي لجميع فطايري
2ونص كوب دقيق
1 علبه لبن زبادي
1 ملعقه كبيرة وشويه خميرة فوريه
1 ملعقه كبيرةبكم بودر
ربع كوب زيت
نص كوب لبن سائل (لبن الصافي او المراعي )
ملح
3 ملاعق كبيرة سكر
الطريقه :
نخلط جميع المقادير بالعجانه ونتركه تنعجن كويس واحشيها اي شي
وعجينة السمبوسه
دقيق وماء وشوي ملح وقليل زيت
والرقاق احيانا غوار او الاندلس مره حليو
واجهز الشوربه عاد كل يووم نوعين
الشايب يحب الكويكر بالكرشه والشباب يحون الخضار او الحريره
فتلاقون نوعين شوربه
تابعووني لاحد يرد
نكمل
واعجن للخبزه
دقيق بر مع ابيض وخميره وماء ومقاديري بالبركه بتشووفوونها بالسفره
واعجن لقيماتي
كاسين دقيق
ملعقتين كاستر وملعقه خميره ربع كاس زيت شوي ملح ملعقه سكر
واجهز الشيره
وبعد ساعه ازينها وخليها على جمب
احيانا اسوي سمبوسة التوست مره لذيذه ولا تشرب
زيت
بعد سلطتي كل يووم لازم تكوون على الفطور وعلى السحور
طماطم وخيار وشوي بقدونس كلهم اقطعهم صغار وملح وليمون
وبس
اصلي العصر
واقرا ماتيسر لي من القران
وعلى الساعه سته
ابدء اقلي او بنتي تقلي
ونجهز السفره مره وحده ياكلوون الي يقدروون
عليه والباقي بعد الصلاه