عن عبادة بن الصامت - رضي الله تعالى عنه - أن رسول الله صلى الله عليه وسلم قال: « أتاكم رمضان شهر بركة يغشاكم الله فيه فينزل الرحمة، ويحط الخطايا، ويستجيب فيه الدعاء، ينظر الله تعالى إلى تنافسكم فيه ويُباهي بكم ملائكته فأروا الله من أنفسكم خيراً فإن الشقي من حُرِمَ فيه رحمة الله »
كل عام وانتم بخير .. والله يتقبل من الجميع الصيام والقيام
والله لا يحرم كل واحد مننا ختم القرآن هالشهر 
والله يا احسني مبطيتن عنكم بزود
مدري وراي من تالي مالي واهس لشي 
|،
وانا افر بالنت أدور طبخه أزينها لاهلي .. لقيت طبخه واضح من شكلها انها لذييييذه
وانصى المطبخ مع لابتوبي " اصلا ماتحنط الطبخه الا لاصار فيه لابتوب 
" واطلع مقاديرها ... 
المقادير /
نص بيالة زيت
فنجال سكر
ملعقة خميرة
كاس لبن
ذرة ملح
3 أكواب دقيق تقريباً
* في الصوره نسيت الخميره .. ع بالي انها هي نفسها البكنج بودر والبكنج بودر تراني دخلته مع المقادير مع انه مهب فيها .. لكن ان مانفع مهب ضار ان شاء الله لين أتسنع ان شاء الله وأضبط المقادير ع سنع
الطريقه ماخذتها من عضوه اسمها سحايب والله ياعليها طبخات ماشاء الله ليت من يعطيها وصف بيتنا تروح لنا كل مازينت الله لا يضرها
نخلط البتاعات اللي فوق مع بعض .. وأنا أحب أخلط الدقيق والخميره والاشياء اللي مب سايله مع بعض .. وبعدين اجيب السايل اخلطه معهم .. ليش مدري
وتراني زودت شوي مويه ، حسيت العجينه ماش قاسيه ..