اللهم اني اشكو اليك ضعف قوتي ..اهل زوجي بيزوجون زوجي ..طيبه معهم لكني انصدمت ..

اللهم اني اشكو اليك ضعف قوتي وقلة حيلتي وهواني على الناس انت ارحم الراحمين ورب المستضعفين وانت ربي الى من تكلني الى قريب يتجهمني او الى عدو ملكته امري ان لم يكن بك علي غضب فلا ابالي اعوذ بنور وجهم الذي ملأ اركان عرشك ان ينزل بي غضبك او يحل بي سخطك لك العتبى حتى ترضى ولاحول ولاقوة الا بك ..سبحانك سبحانك سبحانك

دعاء الرسول الحبيب عليه الصلاة والسلام عندما جار عليه الزمان
اهديه لكل من ضاقت بها الارض بما رحبت .. فألى الله الملتجأ سبحانه ...


ثم اني اشكر صاحبة المعرف وهي بنوته لكن احتليته عليها انا يااختها فتركته لي بدون سؤال ولاحتى متابعه !!



يانسوان ياصبايا ارجوكن ارجوكن .. ابي ردود عقلانيه حكيمه تبني بدل ان تهدم ..وكل وحده وثقافتها وعقليتها ..كلكم مثقفات فما اريد ردود اعذروني حبيباتي اذا قلت سخيفه ..لكن الموضوع لايحتمل
انا بفرد لكم مشكلتي بعون الله استنصحكم فانصحوني



انا وحده متزوجه من ثلاث سنوات

ولله الحمد دينه واخاف الله

انيقه جدا جدا ولله الحمد

ومخلصه مع زوجي واهل بيتي

اهل بيتي اختاروني لابنهم بعنايه عوضا في حريم عيالهم اللي مااحسنوا لهم والله المستعان


انا شايلتهم بعيوني اعتبرهم اهلي رقم 2

يسيئون لي ارد لهم بالاحسان واحاول ان اتخلق باخلاق الدين قدر المستطاع ولااحد كامل لكني احاول

اعفو اسمح احسن لهم طيووووبه مررررره معاهم



الموضوع انو مارزقنا الله بعيال


السبب تقريبا من زوجي

وحنا مخفين عنهم


نجي لزوجي

زوجي فيه الزين والشين كأي رجل سعودي :arb: لكن صبرنا لله في بعض الامور


المهم طلب مني مااخبر احد ان السبب منه
وخبيت

المهم لي سنتين واهله ماكليني بالسنتهم
وانواع الاحراجات :44: وصابره


واعدته ابقى معاه طول العمر ان شاء الله مااتخلى عنه لهذا الموضوع


قبل ايام جاني يقول

بيزوجون اخوي لان مرته تجهض ماتجيب عيال

هي لها 6 سنوات مسكينه


قلت ليش ..حرام ..المهم قلت له لايتدخل يخافون الله فيها هي ماتملك لنفسها شي بعد تبي العيال هذا شي بيد الله


المم قال اختي لقيت له عروسين

وحده له ووحده لي ويضحك بصوت عالي


(انا واثقه باذن الله لان مالي الا ثلاث سنوات ..قلت ياحبيبي بطلاقي زواجك ..ماني جاده طبعا بس تنرفزت من طريقت مزحته



المهم اليوم الظهر دقت عليه سلفتي تبكي

قلت لها خير يافلانه


قالت تدرين انت والا ماتدرين عن السوالف اللي تصير والله انك طيوووبه وعلى نيتك ورايحه من حالك لحالك


قلت لها ليش


قالت انا وانت بيزوجون رجاجيلنا

تضحكين انت

قالت الحقيقه انا عند اهلي زعلانه

وانت ماتدرين شالسالفه

قلت قولي غيرها

قالت هذي الحقيقه

ابو زوجي يقول نبي عيال ابي نسلي يمشي وعيالي يخافون من نسوانهم وانا راح ازوجهم


واخته اللي عسل تخيلوووو عسل قالت موجودات العرايس


:44:


طبعا اللي حاطين العين عليهم حلوااات ماشاء الله عليهم ..يارب يصرفهم عنا


المهم حلفتها بالله قالت هذي الحقيقه السالفه لها شهر وانا عرفت انك على نياتك فخبرتك


انا هنا بكييييييييييييييييييييييييييييييييت

:44:


ليش ..ياترى لو دروا ان السبب من ولدهم بيخطبون له ..


حسبنا الله ونعم الوكيل


بنات اهل زوجي لعابين احس حنا عندهم مثل لعبة الشطرنج


بينما عندهم مرت الاخ الاكبر مجرمه قسما على قولة زوجي يقول اهلي ماعاد الاا يتعبدونها .. الله يذكرها بالخير

هي بعد جابت 3 ووقفت صابها عقم مفاجئ لها 10 سنوات تتعالج



بنات قلبي موجوع


ماادري كيف افاتح زوجي بهالموضوع

افكارى تلخبطت

علما باني وعدته ماراح اتخلى عنه يوم

وهو بعمره مايوعدني لاني كذبت عليه مره استغفر الله العظيم لكن اختبره بس


قلت له الظاهر اني خويتك مااجيب عيال وبكيت عنده وطلبت منه يوعدني مايتخلى عني لو تعافى

فرفض وقال انتي تسابقين احكام الله توبي


وقبل شهر خبرته اني مافيني شي الدكتوره تقول بويضاتي جيده جدا بس



بس ماقلت له انه مجرد اختبار


بنات نسوان

ارشدوني ارشدكم الله



كيف افاتح زوجي الليله ان شاء الله هو بعد نص ساعه بيجي من استلامه


علما باني ماابغى اخبره باتصال سلفتي


وهو هالايام يطلب مني اتصل على اخته اللي خطبت لهم

ويقول سلمي عليها وقوليلها بنجيها


وانا مو داريه ليش يقولي كذا :44:


ردوووووووووووووووووووو