اللهم اني اعوذ بك من قهر الرجال وشماتة الاعداء . فضفضه

انا عضوه جديده .. واول مره اكتب ابي افضفض شويه قبل ما ينفجر عرق فيني
انا متزوجه وعندي ولد وبنت عمري 23 سنه
يا كثر ما عانيت في حياتي ولا عمري تهنيت بشيء يتيمة اب وام وعندي اخوان وخوات لكن من ابوي
لكن لي اكثر من 7 سنوات ما اعرف عنهم شيء باعوني لزوجي قبضو الثمن وخلاص ..
انا اعاني وبقوه اعاني ولا كلمه على هذه الارض تصف معاناتي مع حياتي كل يوم ادعي بالموت على نفسي لانه هي الرحمه الوحيده في حياتي احسها باقيه القلوب صارت قاسيه والكل قاسي ومشكلتي اني مكسور جناحي وباحاول اعيش لمت اللي حولي يضيقو على الحياه اللي لمن احس حياتي مثل ثقب الابره تعبت من الذل والانكسار ابي احد يساعدني ولو بدعوه .
زوجي .. بوجهين
وجه قدام الناس المحترم الطيب الكريم اللي ماله مثل في الدنيا
لكن عندي .. ياقلب لا تحزن
ضرب واهانات وكلام قليل ادب وتشويه في سمعتي اللي يسوى واللي ما يسوى
حتى اولادي يعلمهم ما يحترموني ويضربوني ويخافوا مني مثل ( ماما كلبه ماما حماره ماما كخه ماما زباله ماما عو بتاكلكم وانتو نايمين :((
تفو على ماما اضربوا ماما
واشياء كثيره
بخيل معانا لابعد درجه لدرجه انه ما معي ملابس الا الملابس اللي لابساها على اللحين . لمن تتوسخ اغسلها والبسها وهي مبلوله
بالشهور ما اشوف منه ال5 ريال ..
لي 9 سنوات ما عندي بيت من غرفه مفروشه لغرفه تعبت انقهرت
ابي بييييت استر فيه نفسي وعيالي
كل اللي هو يبغاه كل شيء لكن ما يبغى يعطيني أي شيء ولا يبغى يسوي أي شيء
لاهله يبعت الالوف اما انا لي سنوات 9 اطالبه بشقه رافض ومصررر انه يذلني ويهينني
يضربني ويتكلم علي كلام وسخ ويذل فيني قدام عيالي
تعبت تعبت
انا اسفه انا داخله من جوال وقاعده اكتب فيه
باحاول اكتب كمان اللي كل في قلبي لاني خلاص تعبت الصمت وفي داخلي نار