السلام عليكم ورحمة الله وبركاته:
اخواتي بنات حواء انا جديده وماطولت معاكم لكن كنت اقراْ مواضيعكم واشوف البنات يتساعدون وينصحون بعض وهذا مو غريب على بناتنا بنات المسلمين ففكرت اني اكتب مشكلتي لاني خلاااااص التفكير وقف عندي ماعاد صرت اقدر افكر او اقرر.
ومشكلتي هي:
اولا انا بنت ماتزوجت عمري تقريبا 25 سنه ومخلصه كليه وجالسه بالبيت المهم من يوم كنت بعمر 17 وكان ولد عمي يبيني يعني يبي يتزوجني وكنا نبي بعض وعارفين اننا لبعض مع الايام كبرنا وكبر الامل معنا وبعد فتره جاء خطبني لما وصلت تقريبا 20 سنه للحين الوضع عادي المهم المفاجأه ان ابوي ررررررررررررفض رفضه ياناس رفض حلم طفولتي والسبب ان امه فيها كذا وامه تسوي كذا وامه مالها امان يابنات هي صحيح كانت على خطأ بس الولد وش دخله انا وش دخلني ليه يحرمونا الحلال انا مااعترض على حكم الله بس ليه ياخذونا بذنب غيرنا انا يوم رفض تعبت وصرت ابكي وضاقت فيني الدنيا احس اني خلاص ماعاد اقدر المهم مرت السنوات ومازلنا نبي بعض لكن بعد يأس وقنوط منا الاثنين قررنا ننسى ونعيش ويوم وصل عمره 23 سنه راح وتزوج تزوج يابنات ومن يومها وانا مكسوره والناس تطالعني بشفقه خصوصا بنات اقاربي لانهم عارفين انه كان يبيني وابيه واللي تطالعني بشفقه واللي تصبرني واللي تواسيني انا ماانكر انهم ساعدوني ووقفوا معي بس من باب الشفقه المهم انا من صار عمري 22 ماعاد احد خطبني مع اني الحمدلله على جمال وخلق بشهادة الناس وغير كذا لو انخطبت ماتتم الخطبه سمعت انه مو مرتاح بزواجه والمشكله ان زوجته عرفت انه كان يبيني مدري كيف عرفت اتوقع من اهله هو المهم البنت كرهتني لدرجة اني شفتها مره وماسلمت علي واذا شافتني تصد انا ماهمني هالشي لاني الحمدلله واثقه من نفسي المهم بعد فتره سنه من زواجه طلقها مو بسببي طبعا لا بسبب مشاكل بينهم وانا مالي دخل ابد ابد الحمدلله وله الحين فتره مطلقها وسمعت انه يبيني وبيحاول ياخذني سمعت هالكلام من بنت عمي الثاني لان اختها ماخذه اخو ولد عمي الليي يبيني >>>فهمتوها ..
يابنات انا عارفه انه مطلق وبتقولون وش تبين فيه بس انا ابيه وهو مازال يبيني والولد يصلي الحمدلله وماعليه قاصر السبب الوحيد للرفض من اهلي امه امه .ويابنات في فترة زواجه انا كنت ادعي ربي واستغفر كثييير وبعد فتره سمعت انه طلق تتوقعون هالشي بسبب دعواتي مع اني مادعيت عليه ولا شي بالعكس كنت ادعي له وربي شاهد
المهم تقدم لي واحد غيره هالفتره وانا رفضت لان عندي امل اننا نتجمع بالحلال ياااااااااااااارب...
بنات انا حيراااانه هل انا صح او غلط مدري مدري وش اسوي تعبت تعبت
تكفون ادعولي ان ربي يجمعني فيه بالحلال عاجلا غير اجل ويجعله خيرا لي في ديني ونفسي واهلي ومالي..
ابي اشوف دعواتكم وكل من دعت لي الله يرفع قدرها ويوفقها ويرزقها من واسع رزقه ويبارك لها ويسعدها ويرزقها الجنه يااااارب ياكريم وتذكروا ان اللي يدعي لاخوه المسلم تقوله الملائكه ولك بالمثل ....... يارب ساعدني
خدود فوشيه @khdod_foshyh
محررة فضية
يلزم عليك تسجيل الدخول أولًا لكتابة تعليق.
مجنونة عزو
•
الله يشرح صدرك ويسهل لك دربك يارب...
يارب ياحي ياقيوووم ترزق اختي خدود فوشيه بالزوج الصالح ...
الله يكتب لك اللي فيه الخير والله ياقلبي مادري وش اقولك الا انك تستخيرين ولا توقفين نصيبك ماتدرين يمكن ماتتزوجينه
انتي استخيري اذا تقدم لك واحد يمكن تلقين الراحه معاه ..
والله يسعدك ان شاء الله ويكتب لك اللي فيه الخير ,,
الله يكتب لك اللي فيه الخير والله ياقلبي مادري وش اقولك الا انك تستخيرين ولا توقفين نصيبك ماتدرين يمكن ماتتزوجينه
انتي استخيري اذا تقدم لك واحد يمكن تلقين الراحه معاه ..
والله يسعدك ان شاء الله ويكتب لك اللي فيه الخير ,,
اهلين حبيبتي
انتي ان شاءالله ع صح ولايهمك انو كان مطلق الموهم انتي مرتاحه واستخيري وربي يقدم الي فيه الخير
ويجعلو من نصيبك ويسعدك ياقلبو
انتي ان شاءالله ع صح ولايهمك انو كان مطلق الموهم انتي مرتاحه واستخيري وربي يقدم الي فيه الخير
ويجعلو من نصيبك ويسعدك ياقلبو
الصفحة الأخيرة