اللهم فرج هم من فرج همي ممكن مساعده

سلام عليكم بنات عندي مشكله و أتمنى ألقى لها حل بعد الله ثم أنتم انا سجلت عندكم لان شفت واجد بنات حبوبات و يحبون يساعدون بعض أنا متزوجة صار لي سنه ما عندي اطفال 
قاعده عند أهلي صار لي الحين تقريبا 3 أسابيع 
انا و زوجي نحب بعض حمدالله كلنا لنا عيوب زوجي ميلان عيوب بس راضيه فيه مثل ما هو راضي فيني 
سبب زعلي عند بيت أهلي هم آذيه حمواتي ( خالتي ام زوجي متوفيه قبل شهرين )خوات زوجي مؤذيات و شريات ما يخافون ربهم و دائماً عندنا بالبيت و ياما تبلو علي و ياما و سمعت منهم كلام يسم البدن  ما ادري ليش هالكره و حقد شنو سببه انا حمدالله اعاملهم بما يرضي الله و من طيب اصلي مع ذالك ساكته و صابره كل معامله حسنه الي سويتها لهم ما ردوها لي الا بالاسائه فصرت اتجنبهم و ما انزل لهم واجد 
حسبي الله و نعم الوكيل 
مشكله الحين وحده من حمواتي مطلقه و ثانيه متزوجة و كبيره بالسن مطلقه تبلت على و قالت عني كلام مو فيني جدام الأهل القراب و البعاد و كله تأليف بتأليف و تخرب سمعتي فجأه جذي!! بدون سبب  ف طبيعي اختها الي اكبر منها راح تصدقها و توقف معها مع ان مفروض تهدي وضع و تعطيني فرصه عشان تأكد اذا كلام اختها صج و لا لا . 
(و انا لاحظت كل ما شافت زوجي يبتسم لي و لا طيب معاي تطالعنا بنظرات حقد و كره مو طبيعيه حتى ما تحبه يقعد جنبي ) فراحت حماتي كبيره درعمت بكل وقاحه ب شقتي (الي أهي غرفتين و حمام ) زوجي كان نايم  بدت تطاول علي و تمد أيدها علي انا حمدالله (خذيت حقي ) منها مثل ما مدت أيدها و تعرضت لي  انا مديت أيدي طبعا زوجي حبيبي و خر اخته عني و دافع عني و زف اخته ثانيه ( بس مو ذاك الزف )بس انا ما صرت اقدر اقعد عنده خلاص حسيت ان خواته يبون لي الشر يبون يضروني بأي طريقه و زوجي اصغر إخوانه و هو طيب الحنون  ف شوي شخصيته ضعيفه عند خواته كبار ( راعيات المشاكل ) ف انا من غضب و قهر صارخت عليه و زفيته شلون يسمح لخواته يقلون أدبهم علي و يمدون أيدهم ادري انه دافع عني بس انا (بسبب كتم طول هالاشهر انفجرت بهاللحظه)  فتهاوشت معاه و دقيت على أبوي و جا و خذاني أبوي قال خلاص انا بتفاهم مع زوجج و بقوله يطلعج شقه بعيد عنهم 
الحين بنات انا ادري خواته قاعدين يسبون فيني و يشوهون سمعتي جدام زوجي و يحاولون يفصلونا من بعض مع ان زوجي شاف كل شي بعيونه و عارف منو الي بدا 
زوجي من اول ما خذيته و أهو من النوع الي ما يدق على ما يحب مكالمات الا لضروره لما أكون عند أهلي او لما أكون بالدوام ما يسأل واجد 
ف كنت مو مستغربه انه ما راح يدق بعد أسبوع من زعله استخرت و دقيت و لقيته عادي و يسلم و سولفت و اعتذرت له على صراخي عليه بس ما اعتذرت اني دافعت عن نفسي من آذى اخته و أهو عادي قبل الاعتذار 
بعدها خليته فتره اسبوع لا دق و لا سأل (احنا بفترة زعل مفروض يكلم يسأل ) خصوصا ان ما له شغل بالهواش بس أهو طبعه جذي و ملوع جبدي بهالطبع و يحسسني ان عادي عنده أكون عند اهلي 
بعدها دق مسج و كلمته و دق و قال ها ما راح تجين ؟ انا مشتاق لج وااايد ؟ انا قلت ما اقدر أجي لان شقتي ما تحميني من شر اختك الي ما احترمت خصوصيتي و لا خصوصيتك و دخلت بكل وقاحه قال كلكم غلطانين قلت لا انا مو غلطانه أختك أهي غلطانه راح يقعد يهدي الوضع و يغير السالفه انا قلت له يا انك تسوي لي مدخل خاص فيني بحيث ما احتك بخواتك او تطلعني شقه غيرها تفاهم مع أبوي قال ان شاء الله بسوي الي تبينه و بس 
قعدت أسبوعين ما اقطع علاقتي معاه أكلمه و اسولف معاه عادي بس ما شفت شي للحين ما سوا شي ؟ ما ادري شقاعد ينطر ادري خواته بيقعدون و يحاولون يستغلون فرصه و يقعدون يزيدون فتن بيني و بينه  على أساس اني ابي افرق بينهم بعد وفاه أمهم الله يرحمها ( حسبي الله و نعم الوكيل ) هذا و هم الي خطبوني له عساس أصير خادمه مطيعه لهم بس شافو لي شخصيه و ما عجبتهم ف خواتي قولو لي شسوي هل افقد الأمل و انفصل عنه لان مو مبين انه له استعداد انه يتحمل مسؤليه و هذا يخليني أتأكد انه صج ضعيف شخصيه و خواته يتحكمون فيه انا ما عندي منه عيال يمكن الله ما رزقني منه عيال لان ما اقدر استقر معاه حتى مطبخ في شقتي ما في زبالتي و آكلي بغرفه وحده الله يكرمكم أبوي يقول خ نعطيه فرصه و قال انا بتفاهم معاه بس حاسه انه يماطل و يتعذر لي انه مريض بسبب تغير جو شالحل ؟؟؟ ادري كلامي مخربط من الظيم الي عشته ادعوا لي بنات انه الله يصلحه و يهديه و يسخره لي و يفتح عينه على الحق و ان الله ينصرني على خواته حسبي الله و نعم وكيل و حمدالله على كل حال